بسم الله نبدأ الشنطة الخضراء
الشنطة مقاسها النهائى: 11 بوصة عرض فى 10 بوصة ارتفاع
يعنى 28 سم فى 25،5 سم
الخيط : 300 جرام خيط
الابر : ابر عادية مقاس 4 مللى
وابرة مقاس 6 مللى
وابرة مقاس 7 مللى
وحامل لغرز الضفيرة ) لو مش عندك استعملى بنسة الشعر )
يد الشنطة : تستطيعى شراء يد الشنطة كما يحلو لكى هى هنا يد من البامبو
نكمل الشنطة
اولا نعرف الباترون اللى راح نمشى عليه
ضفيرة خلفية رباعية : يعنى ضعى غرزتين على حامل الضفيرة وجعليهم خلف العمل
ثم اشتغلى غرزتين عدل ثم ارجعى الغرزتين من حامل الضفيرة الى الابر
واشتغليهم عدل
ضفيرة امامية رباعية :هى نفس الخلفية لكن اجعلى حامل الغرز من الامام
ضفيرة خلفية سداسية : ضعى 3 غرز على حامل الضفيرة وجعليهم خلف الشغل ثم
اشتغلى 3 غرز عدل ثم ارجعى الغرز من على الحامل الى الابر واشتغليهم عدل
ضفيرة امامية سداسية :هى نفسها السابقة لكن اجعلى الحامل جهة الامام
اى شىء مش مفهوم فى الضفائر تقدروا تتراجعوا دورة مودى لولو بالتريكو هتجدوا الشرح مدعم بالصور يا بنات
الباترون :
السطر 1 :1 ع-2م-4ع-2م-4ع-2 م - ضعى علامة -15 ع-ضعى علامة -2م -4 ع- 2 م-4 ع -2 م -1 ع
كل السطور الزوجية اشتغليها كما تقابلك ان كانت الغرزة عدل اشتغليها عدل وان كانت الغرزة مقلوب اشتغليها مقلوب
السطر 3 :1 ع -(2 م-ضفيرة خلفية رباعية) كررى ما بين القوسين مرتين -2 م- 3 ع-(ضفيرة امامية سداسية ) مرتين - 2م -( ضفيرة امامية رباعية -2 م)
مرتين-1 ع
السطر 5 :كررى السطر 1
السطر 7 :1 ع -(2 م- ضفيرة خلفية رباعية)مرتين -2 م-(ضفيرة سداسية خلفية)مرتين-3 ع- 2 م-(ضفيرة رباعية امامية ثم 2 م) مرتين -1 ع
السطر 8 : كرري السطر 2
عندك الان 8 اسطر هما اللى راح نشتغل عليهم
جسم الشنطة
بابر مقاس 7 مللى ابدئى ب 45 غرزة
وامشى على السطور ال8 السابقة حتى ارتفاع 2 بوصة يعنى حوالى 5 سم منتهية بضهر العمل
بعد ما يوصل الطول عندك 2 بوصة سنبدأ بزيادة غرز كالاتى
سطر الزيادة الاول:
اولا انتى عندك فى كل سطر من سطور الباترون 6 مجموعات
من (2 م) استمرى بالباترون كما هو وزودى فى كل مجموعة من المجموعات السته
غرزة بانك تشتغلى الغرزة الاولى ثم تزودى غرزة بالغرزة الثانية
ليصبح كدة عدد الغرز فى المجموعة 3 بدل من 2
واعملى كدة فى كل مجموعة عندك
يبقى انتى زودتى 6 غرز فى السطر كله تمام يا بنات؟
واصبح عدد الغرز على الابرة 51 بدلا من 45
اكملى بعد كدة بالباترون لحد ما يصل طول القطعة عندك 4 بوصة يعنى حوالى 10 سم منتهيو بظهر العمل
سطر الزيادة الثانى:
نفس اللى عملناه فى السطر الاول نعيده فى السطر الثانى للزيادة
مع اختلاف ان عدد غرز كل مجموعة اصبح 3 مقلوب بعد الزيادة الاولى
فبالتالى راح تشتغلى المجموعة كالاتى 1 مقلوب ثم زودى غرزة فى الغرزة الثانية ثم اكملى عادى
الان بقى عدد غرز كل مجموعة 4 غرز مقلوب بدل من 3 غرز مقلوب تمام يا بنات
وزاد عدد الغرز فى السطر كله 6 غرز ليصبح عددها النهائى 57 غرزة بدل من 51 غرزة
استمرى فى الباترون لحد ما يصل طول القطعة عندك الى 6 بوصة يعنى تقريبا 15 سم منتهية بظهر العمل
سطر الزيادة الثالث:
نفس اللى عملنا سابقا وفى كل مجموعة اشتغلى 2 مقلوب ثم زودى غرزة فى الغرزة الثالثة ثم اكملى عادى
ايضا ستكونى زودتى فى السطر كله 6 غرز ويبقى عدد الغرز النهائى بقى 63 غرزة وكملى عمل بالباترون لحد طول 9 بوصة يعنى تقريبا 23 سم
ملحوظة : فى السطر الثالث من الزيادة خللى اخر سطر تقفى عنده يكون السطر السابع من الباترون
هنشتغل الان اسفل الشنطة او القاعدة:
اشتغلى عدل لحد اول علامة ثم اشتغلى السطر رقم 8 من الباترون حتى ثانى علامة بعدها اشتغلى عدل لاخر السطر
استمرى بالعمل بالغرزة المرنة على الوجهين واشتغلى بين العلامتين سطور الباترون عادى
يعنى تخلو الضفيرة اللى فى الوسط ممتدة بقاعدة الشنطة وعلى جانبيها مشغول بالغرزة المرنة
شوفو يا بنات مكتوب بالباترون انكم تستمرو فى قاعدة الشنطة حتى تعملو 6
سطور بالغرزة المرنة قاعدة الشنطة دلوقتى شكلها كالاتى انها عبارة عن
امتداد للضفيرة اللى فى وسط الشنطة وعلى جانبيها نشتغل الغرزة المرنة
والمرنة يعنى تشتغلى عدل وجه و ظهر تعطيكى كدة الغرزة المرنة
وذكر فى الباترون انك بتقفى عند السطر السابع من سطور الباترون يعنى نبدأ اول سطر من قاعدة الشنطة من الظهر
تمام كدة؟
احنا كدة خلصنا القاعدة وواقفين عند السطر الاول من الباترون يعنى راح نبدأ
فى الجزء الثانى من الشنطة من اول السطر الثانى معايا يا بنات؟
وابدئى اشتغلى عادى زى ما كنتى شغالة قبل قاعدة الشنطة بعد سطر الزيادة الثالثة
(يعنى تشتغلى 5 مقلوب بدلا من 2 مقلوب فى وجه العمل)
استمرى على كدة لحدما يصل الارتفاع عندك الى 3 بوصة من اخر سطر بالغرزة المرنة اشتغلتيه
منتهية بظهر العمل
الان راح نبدأ بسطور التنقيص
سطر التنقيص الاول:
استمرى بالباترون كما هو ولكن فى كل مجموعة من ال 5 مقلوب اشتغليها كالاتى ( 2 م -2 م معا -1 م ) يبقى معاكى فى اخر السطر 57 غرزة
كملى على كدة لحد ما يصل الطول من اخر سطر اشتغلتيه فى القاعدة الى 5 بوصة منتهية بظهر العمل
سطر التنقيص الثانى :
كملى بالباترون ولكن بدلا من ( 2 م-2 م معا -2 م ) اشتغليها كالاتى (1 م -2
م معا -1 م ) فى اخر السطر سيبقى معاكى 51 غرزة على الابرة
كملى لحد الطول ما يصل معاكى الى 7 بوصة من اخر سطر فى قاعدة الشنطة منتهية بظهر العمل
تمام لحد كدة يا بنات؟
سطر التنقيص الثالث :
كملى بالباترون ولكن مع تغيير ما بين القوسين الى الاتى ( 1 م - 2 م معا )
يبقى معاكى فى اخر السطر 45 غرزة
استمرى فى الشغل الى طول 9 بوصة من اخر سطر اشتغلتيه بالقاعدة منتهية بظهر العمل
الان اقفلى الغرز كلها
منقول اتمنى ان يعجبكم