شرح غرزه الصدفه والمروحه بالصور

من اشكال التزويد فى العمود بلفة غرزة مشهورة جدااا وهى غرزة الصدفة
واسمها shell

وهى عبارة عن 2 ع وس و2ع فى نفس الغرزة
وممكن تكون 2س فى الوسط
وممكن تكون الصدفة فى الفراغ زى كده وممكن تكون 3 ع 2 س 3ع

وفى الجزء السفلى من الصورة السابقة هنلاقى ان الغرزة معمولة فى الفراغ وممكن نعمل منها اى تكوين زى مرة صدفة ومرة حشو
وفى تكوين مشهور اوى غرزة الصدفة والعمود الامامى
وهنشوف استخدام حلو اوى للصدفة فى التوسيع
وهو اننا بنعملها فى الاركان عشان نحصل على شكل رباعى منتظم او سداسى او ثمانى شوفوا كده الصورة دى

ودى الطريقة الاساسية اللى بنعمل بيها وحدة مربعة ممكن نشبك عدد منها ونعمل بطانية او شنطة او لكلوك او او او

ومعانا كمان غرزة حلوة جدا من تزويد الاعمدة بلفة وهى

غرزة المروحة

وهى سهلة اوى الغرزة دى بنعمل فيها 5 عمود فى نفس الغرزة ونقفلهم بحشو بعد ما نفوت 3 غرز ولان الغرزة زى نص دايرة واخرها حشو
وارتفاع العمود 3س فنعمل عدد من السلاسل يقبل القسمة على 5 + 1
او 7 +1 على حسب طول العمود اللى بتعمليه

وفى الصورة التانية دى هنلاقى باترون المروحة ب 9 ع وممكن تكون ب7 عمود يعنى دايما العدد فردى عشان السطر التانى عنمل الحشو فى العمود الاوسط من المروحة

وفى صورة الشال ده هنلاقى غرزة الصدفة فى الوسط بالطول وعملة توسيع
وفى الحرف بتاعه هنلاقى غرزة المروحة داير مايدور
وعايزة اقول ان الاستخدام ده للمروحة كحافة ممكن نعمل عدد زوجى من الاعمدة لاننا مش هنشتغل عليها تانى