التنقيص فى الكروشيه

التنقيص فى الكروشيه
Decrease
ورمزه dec
بتيجى قبل الرمز اللى هنعمل فيه التنقيص

التنقيص فى الحشو

 




التناقص فى الحشو سهل سهل وبنعمله باننا بعدما نسحب اللفة من الغرزة فى السطر السابق بنخليه على الابرة وندخل الغرزة اللى بعدها ونسحب اللفة ويبئى معانا 3 لفات على الابرة نسحب منهم لفة كلهم وبكده يبئى قلصنا عدد الغرز فى السطر السابق غرزة
ولو كررنا التناقص فى غرزة تالتة يبئى نقصنا غرزتين

التناقص فى غرزة النصف عمود

نفس الشئ
بعد ما ناخد لفة وندخل نسحب لفة تانى من الغرزة فى السطر السابق بنحتفظ بيهم على الابرة وناخد لفة تانى ندخل الغرزة التالية نسحب كمان لفة يبئى معانا 5 لفات نسحب لفة منهم كلهم ويبئى نقصنا السطر السابق غرزة
ولو كررنا التاقص كمان مرة يعنى ناخد لفة وندخل فى الغرزة التالتة هيبئى معانا 7 لفات نسحب منهم كلهم لفة واحدة ويبئى نقصنا السطر السابق 3 غرز

التناقص فى العمود بلفة 

 


فى العمود بلفة بناخد لفة وندخل اول غرزة نسحب لفة يبئى معانا 3 لفات نسحب منهم لفة ويتبقى لفتين نحتفظ بيهم وناخد لفة وندخل فى الغرزة التالية نسحب لفة يبئى معانا 4 لفات نسحب لفة من لفتين بسسسسس يبئى معانا لفتين نسحب منهم لفة واحدة والشرح باين فى الصور
وطبعا نقدر نعمل التناقص فى الاعمدة بانواعها المختلفة واطوالها المختلفة سواء بلفتين او 3 او 4 او 5 لفات
او عمود امامى او خلفى
ودى صورة للتنقيص فى العمود بلفتين امامى 

يارب اتكون الفكرة وضحت

ودلوقتى ان شاء الله اشرح لكم غرزة فيها تمرين على التزويد والتنقيص فى نفس الوقت

هنعمل ورشة لمفرش صغير وطبعا نقدر نكبره زى ما نحب
بس انا مش حابة نعمل حاجة كبيرة عشان نتمرن على اكتر من حاجة بدل ما نعمل حاجة واحدة كبيرة بس
والمهم الفكرة توصل وبعد كده تطبقوا لنفسكم بالحجم اللى تحبوه

ودى ورشة المفرش

حضراتكم تختاروا تكملوه زى ما تحبوا
ولو حد حابب يكبر المفرش شوية ويستفيد بيه هنكرر السطور اللى فى الوسط يعنى ممكن نعمل السطر بتاع غرزة حرف v اللى فيه 2 س فى الوسط مرتين ونعمل س بين كل غرزة والتانية يعنى نمشى v س v س وهكذا
وبعدين نزود سطور من الصدفة اللى فيها 2س براحتنا وبردوا نزود بينها سلاسل بالعدد اللى يخلى المفرش مفرود
ونختم فى الاخر بالمروحة او التنقيص فى 3 ع او 4 او حتى 5 ع زى ما تحبوا 

منقول وللاخت جزيل الشكر