أفنان التريكو والكروشيه : غرزه العنقود او الحمصه cluster stitch

بسم الله الرحمن الرحيم

غرزة العنقود(الحمصة)

تعرف بالإنجليزية بإسم cluster stitch

وإختصارها فى الباترونات المكتوبه cl

وهذه بعض الأعمال المستخدم فيها غرزة العنقود

_وفكرة عمل غرزة العنقود تعتمد على شغل عدد من غرزة العمود أو العمود الثلاثى(الغير كامله بمعنى اننا هنترك اخر لفه من غرزة العمود على السناره) فى نفس المكان ثم نلف الخيط على الإبرة ونسحبها من خلال جميع اللفات الموجوده على الإبرة

والكلام ده هنشرحه بالتفصيل خلال الدرس إن شاء الله

_ويكون طول غرزة العنقود على حسب الغرزة المكونه لها فإذا كانت تتكون من غرزة العمود فطولها يعادل 3 سلاسل وهكذا

_غرزة العنقود ليست منتفخه وليس لها بروز زى الفيشارة والمنتفخه

_وغرزة العنقود أنواع تعتمد على

*نوع الغرز المكونه لها سواء العمود او العمود الثلاثى

*عدد الغرز المكونه لها (2،3،5)غرز

*مكان دخول الإبره لعمل الغرز المكونه لها فقد يكون فى نفس الغرزة او فى نفس الفراغ

وكل هذه النقاط هنشرحها بالتفصيل خلال الدرس

هشرح النهارده النماذج اللى ممكن نشوفها لغرزة العنقود فى الباترونات وهماا 6 نماذج هشرحهم بالتفصيل

(1)

غرزة عنقود مكونه من 3 غرز عمود فى نفس الغرزة

رمزها فى الباترونات المرسومه

ورمزها وسط البااترون بتبقا كدا

وتعالوا نشوف بنعمل الغرزة دى إزاى بالصور

هنلف الخيط حول الإبرة وندخل الإبرة فى الغرزة المراد عمل العنقود فيها ثم نلف الخيط حول الإبرة ونسحبها خارج الغرزة (هنلاحظ تكون 3 لفات على الإبرة)هنلف الخيط حول الإبرة ونسحبها من خلال اول لفتين موجودين على الإبرة (هيتبقا لفتين على الإبرة والمفروض عند إستكمال غرزة العمود بنلف لفه حول الابرة ونسحبهم منة خلال اللفتين المتبقين على الابرة لكى نحصل على غرزة عمود كامله ولكننا هنا مش هنعمل الخطوه دى وهنتوقف عند المرحله السابقه وهيا وجود لفتين على الإبرة)

هنكرر الخطوه السابقه مرتين كمان فى نفس الغرزة(يعنى فى المجمل هنعمل 3 غرز عمود غير كاملين فى نفس الغرزة)

هنلاحظ تكون 4 لفات على الإبرة (اللفه الاصليه+لفه لكل غرزة عمود غير

كامله)

هنلف الخيط حول الإبرة ونسحبها من خلال جميع اللفات الموجوده على الإبرة وبكدا تكون إتكونت عندنا غرزة عنقود

ولعمل غرزة العنقود التاليه هنشتغل غرزتين سلسلة كمسافه بين العنقود والأخرى(وهذه المسافه غير ثابته فتختلف من باترون الى اخر )

وده شكل لغرزة عنقود مكونه من 3عمود فى نفس الغرزة

(2)

غرزة عنقود مكونه من 3غرز عمود فى نفس الفراغ

ورمزها فى الباترونات المرسومه مفتوحه من تحت

وشكلها كدا وسط الباترون

وطريقة عملها نفس طريقة عمل العنقود المكونه من 3 عمود فى نفس الغرزة ولكن بدلا من عمل غرز العمود فى نفس الغرزة هنشتغلهم فى نفس الفراغ الموجود بين الغرز

كما فى الشكل الموضح

وده شكل غرزة عنقود مكونه من 3عمود فى نفس الفراغ

(3)

غرزة عنقود مكونه من 5 غرزة عمود فى نفس الغرزة

ورمزها فى الباترون المرسوم

وشكلها وسط الباترون المرسوم

وطريقة عملها نفس طريقة عمل غرزة العنقود المكونه من 3عمود فى نفس الغرزة ولكن بدلا من عمل 3 عمود هنعمل 5 عمود فى نفس الغرزة

كما فى الشكل الموضح

هنلاحظ وجود 6 لفات على الإبرة (اللفه الأصلية+5 لفات بتوع 5 غرز عمود)

وده شكل غرزة العنقود المكونه من 5 عمود فى نفس الغرزة

(4)

غرزة عنقود مكونه من 5 عمود فى نفس الفراغ

ورمزها فى الباترونات المرسومه مفتوحه من تحت

وشكلها وسط الباترون المرسوم

وطريقة عملها نفس طريقة عمل غرزة العنقود المكونه من 5 عمود فى نفس الغرزة ولكن بدلا من عمل غرز العمود فى الغرزة بنشتغلهم فى الفراغ بين الغرز

كما فى الشكل التوضيحى التالى

وده شكل غرزة العنقود المكونه من 5عمود فى نفس الفراغ

(5)

غرزة عنقود مكونه من 5 غرز عمود ثلاثى فى نفس الغرزة

ورمزها فى الباترونات المرسومه

وشكلها وسط الباترون المرسوم

وطريقة عملها نفس طريقة عمل غرزة العنقود المكونه من 5عمود فى نفس الغرزة ولكن بدلا من عمل غرز عمود هنشتغل غرز عمود ثلاثى فى نفس الغرزة

هنلف الخيط لفتين على الإبرة ثم ندخلها فى الغرزة المراد عمل العنقود فيها

ثم نلف الخيط لفه حول الابرة ونسحبها خارج الغرزة هنلاحظ تكون أربع لفات على الإبرة هنلف لفه على الابره ونسحبها من خلال اول لفتين على الابره هيتبقا 3 لفات على الابره هنلف الخيط لفه حول الابرة ونسحبها من خلال اول لفتين على الابره هيتبقا عندنا لفتين على الابره وهنتوقف عند هذه الخطوه ومش هنكمل غرزة العمود الثلاثيه