دى صورة الموديل
و حنقول الطريقة خطوة خطوة بالصور
اول حاجة حنشتغل سلسلة بالمقاس المطلوب بشرط تكون مضاعفات الرقم 9مضاف اليها 6 غرز
يعنى انا اشتغلت مقاس بنتى طلع 42 غرزة
36 سلسلة واضفت ليهم 6 فاصبحوا 42
واغلقتها بمنزلقة مثل الصورة
هاشتغل 3 سلسلة بمثابة اول عمود
و كمان 2 سلسلة و نترك سلسلتين و بالتالتة نشتغل
عمود بلفة عادى
و بعدها نشتغل عادى 2 سلسلة و نترك 2 سلسلة و نشتغل عمود بالتالتة
و نقفل اخر 2 س بمنزلقة باول عمود بالسطر اشتغلناه
تانى سطر حنشتغل منزلقة لنبدأ الشغل داخل المستطيل
دلوقتى حاشتغل غرزة منتفخة ب3 عواميد
اطلع 2 س بمثابة اول عمود و بنفس المكان اشتغل عمود واسيب اخر لفة و كمان عمود
واشتغله زى اللى قبله و بعدين لفة اسحب بيها 3 عواميد سوا
زى الصورتين كدة
و بعده 2 س و غرزة منتفخة مرة تانية 3 عواميد مع بعض بنفس المكان ( المستطيل )
ودى طريقة الغرزة المنتفخة اكتر للتوضيح
حاشتغل 2 س و اشتغل عمود فوق العمود من السطر اللى قبله زى الصورة
و 2 س و بداخل المستطيل نشتغل غرزة منتفخة +2س+غرزة منتفخة ونشتغل كدة لحد ما نوصل لاخر 3 مستطيلات عندنا
حنشتغل عمود فوق اول عمود و 2 عمود فوق 2 س وكمان عمود فوق العمود و 2 عمود وعمود فوق العمود يبقى عندنا 7 عواميد
و2 س ونقفل مع العمود الاول بمنزلقة
و بنفس الطريقة نشتغل لحد ما نوصل لمكان الابهام
انا اشتغلت 8 سطور لان الخيط مش سميك
نكمل ......
وصلت هنا لبداية الابهام وانا اشتغلته كدة لان بنتى ايدها رفيعة
بداية السطر زى العادة
واشتغلت 2 سلسلة و بعدها الغرزة المنتفخة و2 س وغرزة منتفخة زى الصورة
واكمل باقى السطر عادى
ودة شكله بعد 3 سطور
و بنشتغل لحد الطول المناسب
منقول للافاده