غرزة الحلقة (الفرو)
تعرف بالإنجليزيه بإسم loop stitch
وإختصارها فى الباترونات المكتوبه ls
وهذه الغرزة جميله جدا وجبتلكم بعض الأعمال اللى ممكن
نستخدم فيها هذه الغرزة التجميلية والتى تعطى مظهر وملمس الفرو
لكلوك
العاب ودمى
خداديات
مشايات
سجاجيد
تعالوا نشوف هنعمل غرزة الحلقه إزاى
وهذه الغرزة ممكن نعملها فوق غرزة حشو او اى نوع من انواع غرز العمود(غالبا معظم الباترونات بتبقا فوق حشو أو عمود)
(1)
غرزة حلقه فوق غرزة حشو
رمزها فى الباترونات المرسومه
او
وشكلها كدا وسط الباترون المرسوم
هنلف الخيط حول إصبعى الوسطى والسبابه كما فى الرسم
ملحوظه طول الحلقه يعتمد على طول الخيط الملفوف حول الأصابع
هندخل الإبرة فى الغرزة المراد عمل الحلقه فيها
هنلف الإبرة حول الخيط الموجود بين الوسطى والسبابه من الخلف إلى الأمام كما فى الرسم
ثم هنسحب الخيط خارج الغرزة
يوجد عندنا لفتين على الإبرة هنلف الخيط حول الإبرة ونسحبها من خلال اللفتين الموجودين على الإبرة
وبكدا يكون إتكونت عندنا اول حلقه وهنكرر الخطوات الساابقه حتى نهاية السطر
وده شكل لغرزة الحلقه فوق غرزة الحشو
ملحوظة(وممكن إستخدام مسطرة بدل إصبع الوسطى عشان الحلقات كلها تبقا مقاس واحد كما فى الرسم)
(2)
غرزة حلقه فوق غرزة عمود
رمزها فى الباترونات المرسومه
وشكلها كدا وسط الباترون المرسوم
هنلف الخيط حول الإبرة الأول ثم نلفه حول إصبعى السبابه والوسطى
ثم ندخل الإبرة فى الغرزة المراد عمل الحلقه فيها
هنلف الإبرة حول الخيط بين السبابه والوسطى ونسحبها خارج الغرزة
هيوجد عندنا 3 لفات على الإبرة
هنلف الخيط حول الإبرة ونسحبها من خلال اول لفتين على الإبرة هيتبقا لفتين على الإبرة هنلف الخيط حول الإبرة ونسحببها من خلال اللفتين المتبقيين على الإبرة
وبكدا يكون إتكونت عندنا أول حلقه هنكرر الخطوات السابقه حتى نهايه السطر
وده شكل لغرزة حلقه فوق غرزة عمود
ملحوظة:
ممكن نقص الحلقات بعد ما نخلص الشغل هيعطينا مظهر الشعر المنكوش
زى الدميه دى
منقول للفائده