أفنان التريكو والكروشيه

طاقيه للسلوبت

◄◄ الطاقية ►► هانعمل 5 سلاسل ونقفل الدايرة بمنزلقة ◘◘ السطر الاول ◘◘ نطلع ب3 سلاسل بديل عن اول عمود ونشتغل 13 عمود داخل ...

مزيد من المعلومات »

سلوبت لبيبى (3)

◘◘ السطر الخامس ◘◘ من الداخل نطلع بسلسلتين ثم 4 عواميد في ال4 عواميد الجايين ثم مروحة في المروحة التالية وعمود في العم...

مزيد من المعلومات »

الاشتراك في: الرسائل (Atom)

الثلاثاء، 29 يناير 2013

طاقيه للسلوبت

◄◄ الطاقية ►►

هانعمل 5 سلاسل ونقفل الدايرة بمنزلقة

◘◘ السطر الاول ◘◘

نطلع ب3 سلاسل بديل عن اول عمود ونشتغل 13 عمود داخل الدايرة ونقفل بمنزلقة في ثالث سلسلة في اول السطر

والنهاية دي حاننهي بيها كل سطر
يعني اخر كل سطر هانقفل بمنزلقة في ثالث سلسلة

◘◘ السطر الثاني ◘◘

نطلع ب3 سلاسل بديل عن اول عمود ونشتغل عمود في نفس الغرزة

وبعدين نشتغل عموين في كل غرزة لآخر السطر

◘◘ السطر الثالث ◘◘

نطلع ب3 سلاسل بديل عن اول عمود ونشتغل عمودين في الغرزة التالية

وبعدين نشتغل عمود في العمود التالي وعمودين في اللي بعده ونكرر لآخر لسطر

◘◘ السطر الرابع ◘◘

نطلع ب3 سلاسل ونعمل عمود في العمود التالي وعمودين في العمود اللي بعده

بعد كده نعمل عمود في العمود التالي _ عمود في العمود التالي _ عمودين في العمود التالي

يعني هانعمل ( عمود _ عمود _ عمودين ) ونكرر لاخر السطر

◘◘ السطر الخامس ◘◘

هانشتغله كله عواميد فوق العواميد

وهانلاحظ هنا ان الطاقية بدأت تتقوس

◘◘ السطر السادس ◘◘

هانطلع ب3 سلاسل ونعمل ( عمود _ عمود _ عمودين )

وبعدين نشتغل عمود _ عمود _ عمود _ عمودين ونكرر لاخر السطر

◘◘ السطر السابع ◘◘

عمود _ عمود _ عمود _ عمود _ عمودين

◘◘ السطر الثامن ◘◘

هانشتغله كله عواميد

ونكرر السطر ده لحد مانوصل للطول المطلوب

بعد كده نعمل العربية ونخيطها زي ماعملنا في السلوبت

اللي عايزة تعمل الطاقية برباط زي كده

نفس الطريقة بس هاتيجي في السطر قبل قبل الاخير وتطلعي ب4 سلاسل *وتسيبي غرزة وتعملي في اللي بعدها عمود وسلسلة *
وتكرري اللي بين النجمتين لاخر السطر وتقفلي بمنزلقة في ثالث سلسلة

السطر قبل الاخير هاتشتغلي في كل عمود عمود وفي كل سلسلة عمود

السطر الاخير هاتشتغليه كله عواميد

الرباط : عبارة عن سلاسل تساوي محيط الطاقية وزودي شوية كمان عشان تعرفي تربطيه

منقول

سلوبت لبيبى (3)

◘◘ السطر الخامس ◘◘

من الداخل

نطلع بسلسلتين

ثم 4 عواميد في ال4 عواميد الجايين

ثم مروحة في المروحة التالية وعمود في العمود التالي لآخر مروحة في السطر

نعمل 3 عواميد في ال3 عواميد الجايين

والعمود الاخير ناخده تنقيص مع اول عمود في السطر

◘◘ السطر السادس ◘◘

من الخارج

نطلع ب3 سلاسل

نعمل 3 عواميد بلفتين في ال3 عواميد الجايين

ومروحة في المروحة التالية وعمود في العمود ونكرر لاخر مروحة

ثم عمودين بلفتين في العمودين الجايين

ونعمل اخر عمود بلفتين تنقيص مع اول عمود بلفتين في السطر

◘◘ السطر السابع ◘◘

من الداخل

نطلع بسلسلتين

ثم عمودين في العمودين التاليين

ثم مروحة وعمود لاخر مروحة في السطر

ثم عمود في العمود التالي

وناخد اخر عمود تنقيص مع اول عمود في السطر

◘◘ السطر الثامن ◘◘

من الخارج

نطلع بسلسلتين

ثم عمود في العمود التالي

ثم مروحة وعمود لاخر مروحة في السطر

وناخد العمود التالي تنقيص مع اول عمود في السطر

ودي شكل الرجل بعد ال8 سطور

◘◘ السطر التاسع ◘◘

نطلع ب5 سلاسل

ثم حشو في المروحة

ثم سلسلتين وعمود فوق العمود اللي بعد المروحة

وهكذا سلسلتين وحشو في المروحة وسلسلة وعمود فوق العمود

لحد مانوصل لاخر مروحة نعمل بعدها سلسلتين

ونقفل بمنزلقة في ثالث سلسلة من ال5 سلاسل اللي عملناهم في اول السطر

◘◘ السطر العاشر ◘◘

نطلع بسلسلتين ونشتغل في كل مسافة 3 عواميد

واخر عمود ناخده تنقيص مع اول عمود

◘◘ السطر الحادي عشر ◘◘

نطلع بسلسلتين ونشتغل عواميد فوق العواميد لحد مانوصل لنص السطر نعمل العمودين اللي في نص السطر تنقيص والعمود الاخير في السطر نعمله تنقيص مع اول عمود