الخيوط yarns


الخيوط 

بالنسبه للخيوط ف الكلام عنها كتيـــــــــــــــــــــــر اوى وعمره ما بيخلص
هحاول اختصرلكم كده شويه معلومات على أد ما اقدر

اول حاجه لازم نعرفها بالنسبه للخيوط هى

الأنــــــــــــواع 

بس قبل الأأنواع لازم نتكلم فى حاجه عامه عن الخيوط
الخيط بيفرق فى فتلته
يعنى فى خيط فتلته تخينه و فى خيط فتلته رفيعه ,وممكن نشتغل بيه مجوز





فى خيط فتلته مستقيمه ملساء و فى خيط معرج و فى خيط فيه حجات مكلكعه كده بنسميه بالكى
Bulky,, و فى خيوط طالع منها حجات 
ده صوره للمعرج 


وده البالكى


وطبعا الألوان بتاعه الخيوط ساده و جنجاه
و الجنجاه ده اللى فيه الألوان متداخله فى بعضها ,,

وفى الخيوط الصيفى والخيوط الشتوى

نقدر نقسم الخيوط تبع نوعها لقسمين

الخيوط الطبيعيه و الخيوط الصناعيه

لو اتكلمنا عن الخيوط الطبيعيه هنلاقيها 3 أنواع

القطن و ده طبعا مصدره نباتى من القطن اللى بيتزرع
و هو من أجود انواع الخيوط ف الدنيا كلها 
فى مصر طبعا رخيص جدا لانه ف الأصل مصرى انما برا مصر بيبقى غالى
القطن معروف بثبات لونه جدا و متانته و ان الشغل بيه بيعيش
القطن ممكن اشتغل بيه أى حااااااااجه صيفى وشتوى مفارش لانجيرى كل اللى انا عايزاه
عيبه الوحيد انه شغله بياخد وقت بالنسبه للأنواع التانيه و اى لخبطه بتبان فيه
يعنى عايز تركيز و دقه ف الشغل

لازم نعرف ان القطن مبيمطش بس ممكن ينكمش شويه صغيره بالغسيل 
عشان كده لو بتعملى لبس من الخيط القطن ممكن تزودى المقاس بنسبه قليله اوى عشان لو كش ,,
الخيط القطن فى منه خيط رفيع و خيط تخين ,, يعنى التخانات مختلفه بتاعته
و كمان البكر بتاعه بيجى فى احجام مختلفه من اول ال 10 جرام و ال 50 جرام و ال 100 جرام و الأكتر من كده بقى بيبقى بالوزن بالكيلو
منه البكر ومنه الشلل


والشله طبعا ارخص من البكره بس لازم الأول نفكها و نعملها بكره قبل ما نشتغل بيها

و منه الساده ومنه الجنجاه
عندنا مثلا قطن مصر البيضا
وده من اجود انواع الأقطان فتلته رفيعه أوى



و الشغل من الخيط ده زى كده 


فى قطن حلوان

دى صورته فى باترينه المحل 


منه الساده ومنه الجنجاه


و فى الشغل بيبقى كده


وفى خيط كيت
cATE

وده بيبقى اتخن شويه من حلوان 
و ف الغالب كله بيكون جنجاه


فى أقطان بالوزن فتلتها تخينه نسبيا تعتبر اتخن فتله ف الأقطان
شغلها بيبقى حلو اوى و برده دايما بتبقى جنجاه


وطبعا القطن برده فى فتله معرجه وفى فتله Bulky و فى اشكال كتير 
ده مثال على المعرج والشغل بتاعه



وبكده يعتبر الكلام عن القطن خلص

ويارب مكونش نسيت حاجه

نيجى بقى للخيط 
الصوف
و طبعا احنا عارفين ان الصوف ده مصدره حيوانى
والصوف من اغلى الخيوط
بس طبعا انا بتكلم هنا على الصوف اللى هو صوف , لان احنا بنقول مجازا على كل البكر اللى مش قطن صوف
و ده مش صح
الصوف من اجمل الخيوط وشغله بينجز لان فتلته تخينه
الوانه بتبقى ثابته جدا و مبتبهتش
ولا بيكش ولا بيمط
بيدفى جدا جدا 
بس ناس كتير عندها حساسيه منه
اخر حاجه تخص الصوف انه شغله قيم جدا جدا جدا
وغالى لو بتشتريه جاهز
الصوف ينفع لكل حاجه و اكتر حاجه الشغل الرجالى
ملمسه خشن نسبيا
طبعا فى صوف 100%
و فى مخلط صوف على قطن ممكن تلاقى البكره مكتوب عليها 80% صوف 20% قطن
ده من اكتر الخيوط اللى انا بحب اشتغل بيها لانه بيكون قيم و بيعيش و ملمسه طرى وحلو اوى
و كل ما زادت نسبه القطن ف الصوف بيبقى حلو أوى

دى صوره لخيط صوف جنجاه هو اللى فوق ع الشمال 


وطبعا لو ركزتوا ف الصوره هتلاقوا مكتوب ع الورقه 100% صوف 


و بالنسبه
للحرير 
و ده برده مصدره حيوانى من الدود بتاع الأز زى ما احنا عارفين

فالحرير حلو اوى ولمعته جميله وينفع للسواريهات و الكنارات بتاعه السواريهات 
و لما بيتتظرز بالخرز والترتر بيبقى حلو اوى اوى اوى
الحرير حلو اوى بس محتاج دقه جامده ف الشغل لان الفتله بتاعته مش بتثبت بسهوله 
وعشان كده الخيط الحرير قليل لما تلاقيه بكر و ف الغالب بيكون شلل
و فى منه الساده و الجنجاه
و فى منه اللى فيه لمعه
و فى برده تخين ورفيع
ودى صور ليه

ده ساده 


ده جنجاه 



وده حرير اسود بلمعه وشغله بس طبعا الالوان الغامقه مش بتبان ف التصوير اوى 


فى حرير على بوكليت بس الجدير بالذكر ان البوكليت بيشبك ف أى حاجه ولو شبك بيعلم ف الشغلنيجى بقى للخيوط المصنعه ودى منها انواع كتير أوى اوى

فى التركيبة، المخلوطة يعنى زى النايلون و البوليستر و اللينو والاكريلك و الالياف الصناعيه والموهير و المكرميه
فى منها خيط الشريط و خيط القيطان و خيط القش . 
و خيوط الكتون برلية والمونيه و خيط السفن 

والخيوط من المعدن الذهب والفضة. 

انا هبدأ كده مثلا بالخيوط اللماعه اللى هى الذهب والفضه
ودى خيوط بتستخدم مع الخيوط التانيه فى شغل السواريهات
يعنى ممكن ندخلها مع القطن او اى خيط
وملحوظ عليها ان هى خشنه اوى
وصورتها اهيه


و فى الشغل بتبقى كده


و فى خيط تانى زى الشرايط


والخيط ده بنشتغله تريكو و بنعمل منه كوفيات او شنط



ودى صورتها من قريب


وفى منه خيط شرايط صيفى برده يمشى تريكو وكروشيهو شكله اهوه


فى خيط تانى زى المكرميه
و ده يشبه البلاستيك اوى اكتر حاجه نشببه بيها هى حبل الغسيل
و بيجى برده فى شلل
و بنعمل بيه الشنط و المشايات ف الارض
و طبعا لازم نخلى بالنا انه خيط ناشف و بيحتاج ابره تخينه و قوه ف شغله عشان تقدرى تطوعيه بسهوله
وطبعا لازم نعرف برده انه بينسل يعنى لما بنخلص شغل لازم نحرق اطراف الخيط بكبريت عشان مايفكش
و دى صورته و هو شله وبعدين عملته بكره و ده مشروع شنطه 


وفى كوتون بارليه زى كده 


خيط القيطان وخيط القش مش منتشرين اوى 


من الخيوط المصنعه برده فى خيط


الصيادوده
خيط فيتنامى نايلون بيكون ناشف بس بيطرى بعد الغسيل
والخيط ده انا سمعت عنه كتير بس مشفتوش بصراحه
بيتعمل منه شنط و اى حاجه بس مشهور ف الشنط اكتر حاجه
بنستخدم منه فتلتين ولا تلاته عشان هو رفيع اوى
ودى صورته


فى تانى الخيوط الالياف الصناعيه الصينى اللى ماليه المحلات اليومين دول 


ف الصف المكتوب عليه 6 
وده شكلها




,والخيط ده بيتعمل منه لكاليك اكسسوار توك حجات زى دى



فى كمان خيط

موهير
بيكون ناعم كده وطرى
ونتايجه حلوه جدا جدا



خيط رمش العين
خيط حلو اوى و نتايجه كمان بتكون جميله
فى منه كل الألوان
و بيتباع بالوزن وبالبكر 
و ممكن يدخل مع اى خيط
بيكون حلو اوى ف الياقات والأساور و الكوفيات


ودى كوفيه معموله منه



الخيط القطيفه

فتلته تخينه نسبيا و شغله بتبقى نتيجته حلوه اوى و بيخلص بسرعه لأنه تخين 
والوانه جميله اوى و بيدفى


ودى كوفيه قطيفه بس مش باينه لان لونها اسود
نصها اسود ونصها رصاصى



فى برده الخيوطالرخيصه اللى هى بتبقى ب 2 جنيه البكره
برده الياف صناعيه
زى دى 



ودى ف الغالب بيستخدمها اللى لسه بيتعلموا و 
نقدر برده نعمل بيها مثلا ماسكات مطبخ او لكاليك يعنى حجات مستهلكه لانها خيوط رديئه و مش بتعيش 
يتبقى عندنا انواع كتير لسه من الخيوط المخلطه و المصنعه
زى البوليستر والاكريلك والنايلون واللينو


فى كمان عندنا بقى الخيوط اللماعه والخيوط اللى فيها ترتر 
و بتبقى حلوه اوى فى السواريهات
وطبعا دى بتبقى مصنعه و مخلطه يعنى اكريلك ممكن بوليستر او حتى لاميه أو بولى امايد و معاهم جليتر يعنى اى خامه صناعيه
و بنستخدمها مع خيوط تانيه من نفس الألوان
و طبعا لازم ناخد بالنا ان هى لما بنشتغلها بيبقى صعب اوى اننا نفكها تانى
و الخيوط دى نظرا لان هى اصلا شكلها حلو اوى فالشغل بتاعها ف الغالب بيكون بالغرز العاديه اللى هى العامود لانها مش محتاجه اى شكل اكتر من كده,,

زى كده 


أو كده 


و ال 3 بكرات اللى ف النص دول 




فى خيط تانى جنجاه برده جليتر اهوه 


شنطه كروشيه بغرزه العمود 


وزينت بالشرايط الستان كده من قريب 


ودى البطانه خيطتها ع الماكنه وركبت فيها السوسته برده ع المكنه و ف الأخر لبستها فى الشنطه وخيطتها بأيدى 
بس طبعا حطيت بينها وبين الشنطه طبقه سفنج رفيع اوى و انا غالبا بعمل كده ف الشنط عشان زى ما احنا عارفين الكروشيه و التريكو بيهترئ من الاستعمال فبحاول احافظ عليه لأطول وقت


ودى السوسته وهى مقفوله و طبعا على اد ما تقدرى حاولى تشترى سوسته شكلها قيم عشان تدى قيمه للشنطه 


ودى الحلقه اللى انا ركبت فيها الدراع 


فى عندنا برده ف المحلات الخيوط التركى اللى مغرقه المحلات اليومين دول 
والخيوط دى بتبقى حلوه اوى ف الشغل والوانها حلوه اوى
زى كده


فى عندنا برده ف المحلات الخيوط التركى اللى مغرقه المحلات اليومين دول 
والخيوط دى بتبقى حلوه اوى ف الشغل والوانها حلوه اوى
زى كده




فى خيوط تانيه عندنا بتبقى مخصوصه لشغل البيبهات والاطفال يعنى البطاطين بتاعتهم و هدومهم


لانها بتبقى ناعمه اوى 

و مبتعملش حساسيه

زى ده




البكره اللى فوق ف النص مكتوب عليها 14 ومرسوم عليها بيبيى


البكر اللى فوق ب 9


وبيبقى كده


والشغل بتاعه كده


فى عندنا بقى خيط تانى اسمه خيط كروشيه و ده فتلته رفيعه جدا و بنشتريه من المحل بالكيلو 
وبنشتغل منه مجوز مرتين او تلاته زى ده

و ده خيط زى ما انتوا شايفين فى حتت ملمعه كده مكلكعه


واشتغلتهم الأتنين مع بعض تريكو شكلهم بقى كده


وفى بقى كمان الخيوط اللى كل شويه يطلعولنا بتقليعه جديده فيها 
بتكون موضات زى كده


و الخيط ده اسمه بونبون و كان موضه الشتا ده
وبيتعمل منه كوفيات بيكون شكلها كده



وفى الخيوط اللى مابين بقى رمش العين و حجات تانيه غريبه معاها زى دول


ده رمش العين و معاه شريط كده فتله واحده كلهم 



و ده خيط تحس كده انه مخطط


فى خيوط بقى بتبقى موبره و طالع منها حجات كده
زى الموهيرات 



وفى بقى اشكال كتير زى كده








وفى خيوط تحس ان هى فيها لمعه كده جوا الخيط
زى كده



نشوف بقى شويه خيوط كده منوعه 


ده خيط اسمه كواليتى نوعه اكريلك
موجود ف المحلات صيف شتا 
البكره ب 5 جنيه و موجود منه كل الالوان
كويس ف الشغل بس عيبه انه بيوبر


والشنطه دى بتتقفل بالحجات المغناطيسيه دى
و دى طريقه تانيه نقفل بيها الشنطه غير السوسته خاصه ان دى فتحتها مش خط مستقيم 


ودى صوره الأيد 


ده خيط تانى برده اكريلك


ده خيط تانى برده اكريلك



ده زيه بس احمر و الشغل ف الكروشيه بيبقى كده


فى خيط زى ده مخلط


و اللون البمبى بتاعه الجنجاه برده طاقيه تانيه 



وهنا من قريب طعمتها بالخيط الحرير


و دى بقى جوله حره ف المحل بتاع الخيط

و طبعا أى واحده يعجبها حاجه تتفضل تاخدها 
















دلوقتى انا خدت بكرتى الجميله و ابرتى الحلوه وبدأت اشتغل

ياترى ممكن احتاج ايه وانا شغاله اكتر من الأبره والخيط
فى حجات كتير بنسميها كماليات ممكن نستخدمها واحنا شغالين
تعالى كده بصى معايا 

دى مثلا غطا للأبره بتلبسيه لأبره التريكو بتاعتك عشان تسيبى الشغل وانتى متطمنه انه مش هيتسلت من على الأبره


وبصى هنا كمان
دول ماركر او علامات




ودول بنستخدمهم لما نكون شغالين كروشيه او تريكو و عايزين نفكر نفسنا بحاجه فى مكان معين
زى مثلا
فى الغرزه دى انا هزود او هنقص او هفوتها ومش هشتغل فيها و هكذا
و انا بستعيض عن الحجات دى بالدبابيس المشبك العاديه 
الجيش بيقولك اتصرف

طبعا وانا شغاله لازم هحتاج مقصلازم هحتاج مسطره أو مازوره
المسطره دى ناحيتين 
اول ناحيه بال سم وتانى ناحيه بالأنش 
لانى وانا شغاله اوقات كتير بلاقى باترونات بالأنش
معندكيش مسطره بالأنش
سهله افتحى الموبايل بتاعك وهتلاقى عليه برنامج محول الأطوال من كل حاجه ل كل حاجه

الأهم بقى من كل ده
قلم ونوت بوك

طبعا مهمين
مهمين فى ايه؟؟!!!

بصى ياستى
دلوقتى انا قررت اعمل مثلا مفرش
هروح جايبه قلمى و كاتبه المفرش الفلانى
هستعمل خيط نوعه كذا و لونه كذا و ابره مقاسها كذا
و طول ما انا ماشيه اسجل ملاحظاتى عن الشغل

عشان ف النهايه لما اخلص و احب اعمل مفرش تانى زى ده اعرف انا اشتغلته ازاى والمقاسات بالظبط

اهميه الملاحظات دى بتبقى اكتر فى الحجات اللى بتتلبس يعنى مثلا بلوزه
هبقى عارفه لما اجى اشتغل بنفس نوع الخيط انا عملت البدايه كام سلسله مثلا 
او لو المقاس طلع قليل او كتير ابقى عارفه وانا بعيد الشغل انا هقلل فين او هزود فين 

طيب تمام ياترى فى حاجه تانيه هعوزها؟
اه اكيد هعوز شنطه او كيس او علبه اعين فيها الخيط بتاعى وانا شغاله
ولا هسيبه يتمرمط ف الأرض و العيال يطلعوا عينه
بصى كده


طيب انا بشتغل ببكرتين فى نفس الوقت و مش عايزاهم يتلخبطوا فى بعض او يتلعبكوا 
شوفى ياستى هاتى كيس بلاستيك بس يكون كبير
يعنى اكبر من البكره بكتير عشان البكره تعرف تتحرك فيها براحتها
و اعمليه كده


واربطى طرفه بفتله خيط او اى رباط المهم ميكونش جامد عشان الخيط يتحرك معاكى براحته


طيب عندك فكره تانيه اصل موضوع الكيس ده مش مريحنى نفسيا
ايوه عندى
بصى على دى
علبه جزمه و فيها فتحه صغيره بتاعه تهويه انا بستخدمها كده

طيب انا معنديش علبه زى دى
اوكى بسيطه
هاتى اى علبه بلاستيك بتاعه مج بتاعه برطمان نسكافيه بتاعه اى حاجه و افتحى فيها فتحه مدوره من فوق و استخدميها بنفس الطريقه

طيب خلاص عرفنا هنشتغل ازاى 
فى اى حاجه تانيه بخصوص الموضوع ده


ايوه في
كتب الكروشيه


ماتفوتيش اى فرصه تلاقى فيها كتب كروشيه و متشتريهوش
لعدد من الأسباب 
اولا الكتب دى فى طريقها للأندثار
ثانيا فى كتب فعلا فعلا فيها معلومات قيمه جدا و متتعوضش

يبقى انا لو لاقيت اى كتاب و سعره كويس مناسب هبص فيه الأول كويس
ياترى فيه حاجه مفيده؟؟
الحاجه المفيده دى اكيد مش هتكون باترون او صوره 
لان ف الغالب الصور بتبقى ابيض واسود ومش باينه ف الكتب
و الباترونات اهيه ماليه النت
انا بدور على معلومات قيمه تستاهل فعلا الأقتناء 
زى مثلا موسوعه غرز 

و طبعا دلوقتى النت مليان كل حاجه 
فانتى ممكن تطبعى كل حاجه تحسى انك ممكن تحتاجيها وتعملى انتى 
كتاب لنفسك 

كده احنا خلصنا الشغل 

اعين بقى الأدوات اللى استخدمتها
لازم يكون عندى شنطه صغيره اعين فيها ادواتى عشان احافظ عليها
علشان مافيش حاجه تضيع وارجع ادور عليها
ده طبعا بالنسبه لى انا لو ابره ضاعت منى اكيد هعيط عليها

مثلا انا بعين الأبر هنا


ودى وهى مقفوله


وده مش معناه انى هروح مخصوص اشترى حاجه اعين فيها الأبر
لا
دى اصلا كانت علبه اقلام
يعنى انا ممكن اجيب اى مقلمه ولا اى شنطه ميك اب صغيره ولا اى حاجه تقضى الغرض

باقى بقى منى شويه خيوط 

اكيد مش هرميها 

هجيب كرتونه مثلا والم فيها كل بواقى الخيوط دى بس لازم الترتيب
عشان ما اجيش افتح الكرتونه فى يوم الاقى كل البكر ملعبك فى بعضه هروح شيلاه كله ورمياه

مثلا البكر الحرير لازم لازم احطه فى كيس بلاستك واربط عليه جامد لانه بيفك بسرعه اوى اوى اوى
الخيط الغالى و اللميع كمان بيبوظ بسرعه فلازم احافظ عليه

انما البكر العادى هلفه كويس اوى و امسك طرف البكره واعديه من تحت كام لفه ف البكره عشان امنعه انه يفك


طيب وانا بقى هقعد الم ف الكراكيب دى اعمل بيها ايه

طبعا ليها استعمال واستعمال حلو اوى كمان
ممكن تعملى منها لكاليك او توك او ماسكات مطبخ او روود تزينى بيها اى حاجه او حتى اكسسوار
او شوفى كده انا عملت ايه ببواقى الخيوط

كوفيه محترمه وبنت ناس اهيه



طيب انا خلاص الحمد لله اشتغلت

وعملت مفرش جميل او بلوزه جميله

دلوقتى كده انا دورى خلص؟؟
طبعا لأ 
لأن اهم من انك تعملى القطعه 
انك تقدرى تحافظى عليها وتعتنى بيها بعد ما تعبتى فيها ايام واشتغلتيها 
طيب ازاى هقدر اعمل كده
برده اجابه السؤال ده موجوده ع الورقه اللى حوالين البكره
تعالى كده نرجعلها سوا



شوفى بقى
انتى لازم تعرفى بالظبط العلامات دى معناها ايه عشان تقدرى تحافظى على شغلك لأطول فتره

زى مثلا

العلامه دى 


معناها ان الخيط ده مابيتكويش


لو المكواه كان جواها نقطه يبقى بيتكوى على درجه حراره واطيه أوى







و كل ما النقط جوا المكواه زادت بتزيد معاها درجه الحراره اللى بيتحملها المنتج ده


دى معناها انك ممكن تنضفى الخيط ده ف الدراى كلين 


ودى يعنى اوعى تعمليها ف الدراى كلين

واوقات بيكون فى حروف جوا الدايره و دى معناها انواع المنظفات اللى بنستخدمها ف الدراى كلين

العلامه دى 


معناها ان الخيط ده ممكن يتحطط ف المجفف بتاع الغسالات


ودى يعنى اوعى تحطيه فى مجفف الغساله

نيجى بقى لعلامات الغسيل


العلامه دى يعنى بيتغسل في الغساله عادى
و لو كان جواها نقط يعنى ممكن يتغسل فى مايه سخنه و كل ما زادت النقطه تزيد الحراره بتاعه المايه
و سعات بيكتبلنا جوا المربع رقم ده بيكون درجه الحراره اللى نغسله فيها

والعلامه دى 


معناها ان الخيط ده مبيتغسلش ف الغساله
و هنلاقى معاها علامه تانيه تقول انه ياما بيتغسل ف الدراى كلين ياما ع الأيد

وعلامه الغسيل ع الأيد اهيه


واخر علامه خاصه بالكلور و المبيضات

العلامه دى معناها ممكن تحطى كلور


ودى اوعى تحطى كلور


و كده يبقى كل حاجه محتاجين نعرفها عن الخيوط و العنايه بيهاخلصت

منقول للامانه 
 ام هبهوبه




الأربعاء، 11 سبتمبر 2013

الخيوط yarns


الخيوط 

بالنسبه للخيوط ف الكلام عنها كتيـــــــــــــــــــــــر اوى وعمره ما بيخلص
هحاول اختصرلكم كده شويه معلومات على أد ما اقدر

اول حاجه لازم نعرفها بالنسبه للخيوط هى

الأنــــــــــــواع 

بس قبل الأأنواع لازم نتكلم فى حاجه عامه عن الخيوط
الخيط بيفرق فى فتلته
يعنى فى خيط فتلته تخينه و فى خيط فتلته رفيعه ,وممكن نشتغل بيه مجوز





فى خيط فتلته مستقيمه ملساء و فى خيط معرج و فى خيط فيه حجات مكلكعه كده بنسميه بالكى
Bulky,, و فى خيوط طالع منها حجات 
ده صوره للمعرج 


وده البالكى


وطبعا الألوان بتاعه الخيوط ساده و جنجاه
و الجنجاه ده اللى فيه الألوان متداخله فى بعضها ,,

وفى الخيوط الصيفى والخيوط الشتوى

نقدر نقسم الخيوط تبع نوعها لقسمين

الخيوط الطبيعيه و الخيوط الصناعيه

لو اتكلمنا عن الخيوط الطبيعيه هنلاقيها 3 أنواع

القطن و ده طبعا مصدره نباتى من القطن اللى بيتزرع
و هو من أجود انواع الخيوط ف الدنيا كلها 
فى مصر طبعا رخيص جدا لانه ف الأصل مصرى انما برا مصر بيبقى غالى
القطن معروف بثبات لونه جدا و متانته و ان الشغل بيه بيعيش
القطن ممكن اشتغل بيه أى حااااااااجه صيفى وشتوى مفارش لانجيرى كل اللى انا عايزاه
عيبه الوحيد انه شغله بياخد وقت بالنسبه للأنواع التانيه و اى لخبطه بتبان فيه
يعنى عايز تركيز و دقه ف الشغل

لازم نعرف ان القطن مبيمطش بس ممكن ينكمش شويه صغيره بالغسيل 
عشان كده لو بتعملى لبس من الخيط القطن ممكن تزودى المقاس بنسبه قليله اوى عشان لو كش ,,
الخيط القطن فى منه خيط رفيع و خيط تخين ,, يعنى التخانات مختلفه بتاعته
و كمان البكر بتاعه بيجى فى احجام مختلفه من اول ال 10 جرام و ال 50 جرام و ال 100 جرام و الأكتر من كده بقى بيبقى بالوزن بالكيلو
منه البكر ومنه الشلل


والشله طبعا ارخص من البكره بس لازم الأول نفكها و نعملها بكره قبل ما نشتغل بيها

و منه الساده ومنه الجنجاه
عندنا مثلا قطن مصر البيضا
وده من اجود انواع الأقطان فتلته رفيعه أوى



و الشغل من الخيط ده زى كده 


فى قطن حلوان

دى صورته فى باترينه المحل 


منه الساده ومنه الجنجاه


و فى الشغل بيبقى كده


وفى خيط كيت
cATE

وده بيبقى اتخن شويه من حلوان 
و ف الغالب كله بيكون جنجاه


فى أقطان بالوزن فتلتها تخينه نسبيا تعتبر اتخن فتله ف الأقطان
شغلها بيبقى حلو اوى و برده دايما بتبقى جنجاه


وطبعا القطن برده فى فتله معرجه وفى فتله Bulky و فى اشكال كتير 
ده مثال على المعرج والشغل بتاعه



وبكده يعتبر الكلام عن القطن خلص

ويارب مكونش نسيت حاجه

نيجى بقى للخيط 
الصوف
و طبعا احنا عارفين ان الصوف ده مصدره حيوانى
والصوف من اغلى الخيوط
بس طبعا انا بتكلم هنا على الصوف اللى هو صوف , لان احنا بنقول مجازا على كل البكر اللى مش قطن صوف
و ده مش صح
الصوف من اجمل الخيوط وشغله بينجز لان فتلته تخينه
الوانه بتبقى ثابته جدا و مبتبهتش
ولا بيكش ولا بيمط
بيدفى جدا جدا 
بس ناس كتير عندها حساسيه منه
اخر حاجه تخص الصوف انه شغله قيم جدا جدا جدا
وغالى لو بتشتريه جاهز
الصوف ينفع لكل حاجه و اكتر حاجه الشغل الرجالى
ملمسه خشن نسبيا
طبعا فى صوف 100%
و فى مخلط صوف على قطن ممكن تلاقى البكره مكتوب عليها 80% صوف 20% قطن
ده من اكتر الخيوط اللى انا بحب اشتغل بيها لانه بيكون قيم و بيعيش و ملمسه طرى وحلو اوى
و كل ما زادت نسبه القطن ف الصوف بيبقى حلو أوى

دى صوره لخيط صوف جنجاه هو اللى فوق ع الشمال 


وطبعا لو ركزتوا ف الصوره هتلاقوا مكتوب ع الورقه 100% صوف 


و بالنسبه
للحرير 
و ده برده مصدره حيوانى من الدود بتاع الأز زى ما احنا عارفين

فالحرير حلو اوى ولمعته جميله وينفع للسواريهات و الكنارات بتاعه السواريهات 
و لما بيتتظرز بالخرز والترتر بيبقى حلو اوى اوى اوى
الحرير حلو اوى بس محتاج دقه جامده ف الشغل لان الفتله بتاعته مش بتثبت بسهوله 
وعشان كده الخيط الحرير قليل لما تلاقيه بكر و ف الغالب بيكون شلل
و فى منه الساده و الجنجاه
و فى منه اللى فيه لمعه
و فى برده تخين ورفيع
ودى صور ليه

ده ساده 


ده جنجاه 



وده حرير اسود بلمعه وشغله بس طبعا الالوان الغامقه مش بتبان ف التصوير اوى 


فى حرير على بوكليت بس الجدير بالذكر ان البوكليت بيشبك ف أى حاجه ولو شبك بيعلم ف الشغلنيجى بقى للخيوط المصنعه ودى منها انواع كتير أوى اوى

فى التركيبة، المخلوطة يعنى زى النايلون و البوليستر و اللينو والاكريلك و الالياف الصناعيه والموهير و المكرميه
فى منها خيط الشريط و خيط القيطان و خيط القش . 
و خيوط الكتون برلية والمونيه و خيط السفن 

والخيوط من المعدن الذهب والفضة. 

انا هبدأ كده مثلا بالخيوط اللماعه اللى هى الذهب والفضه
ودى خيوط بتستخدم مع الخيوط التانيه فى شغل السواريهات
يعنى ممكن ندخلها مع القطن او اى خيط
وملحوظ عليها ان هى خشنه اوى
وصورتها اهيه


و فى الشغل بتبقى كده


و فى خيط تانى زى الشرايط


والخيط ده بنشتغله تريكو و بنعمل منه كوفيات او شنط



ودى صورتها من قريب


وفى منه خيط شرايط صيفى برده يمشى تريكو وكروشيهو شكله اهوه


فى خيط تانى زى المكرميه
و ده يشبه البلاستيك اوى اكتر حاجه نشببه بيها هى حبل الغسيل
و بيجى برده فى شلل
و بنعمل بيه الشنط و المشايات ف الارض
و طبعا لازم نخلى بالنا انه خيط ناشف و بيحتاج ابره تخينه و قوه ف شغله عشان تقدرى تطوعيه بسهوله
وطبعا لازم نعرف برده انه بينسل يعنى لما بنخلص شغل لازم نحرق اطراف الخيط بكبريت عشان مايفكش
و دى صورته و هو شله وبعدين عملته بكره و ده مشروع شنطه 


وفى كوتون بارليه زى كده 


خيط القيطان وخيط القش مش منتشرين اوى 


من الخيوط المصنعه برده فى خيط


الصيادوده
خيط فيتنامى نايلون بيكون ناشف بس بيطرى بعد الغسيل
والخيط ده انا سمعت عنه كتير بس مشفتوش بصراحه
بيتعمل منه شنط و اى حاجه بس مشهور ف الشنط اكتر حاجه
بنستخدم منه فتلتين ولا تلاته عشان هو رفيع اوى
ودى صورته


فى تانى الخيوط الالياف الصناعيه الصينى اللى ماليه المحلات اليومين دول 


ف الصف المكتوب عليه 6 
وده شكلها




,والخيط ده بيتعمل منه لكاليك اكسسوار توك حجات زى دى



فى كمان خيط

موهير
بيكون ناعم كده وطرى
ونتايجه حلوه جدا جدا



خيط رمش العين
خيط حلو اوى و نتايجه كمان بتكون جميله
فى منه كل الألوان
و بيتباع بالوزن وبالبكر 
و ممكن يدخل مع اى خيط
بيكون حلو اوى ف الياقات والأساور و الكوفيات


ودى كوفيه معموله منه



الخيط القطيفه

فتلته تخينه نسبيا و شغله بتبقى نتيجته حلوه اوى و بيخلص بسرعه لأنه تخين 
والوانه جميله اوى و بيدفى


ودى كوفيه قطيفه بس مش باينه لان لونها اسود
نصها اسود ونصها رصاصى



فى برده الخيوطالرخيصه اللى هى بتبقى ب 2 جنيه البكره
برده الياف صناعيه
زى دى 



ودى ف الغالب بيستخدمها اللى لسه بيتعلموا و 
نقدر برده نعمل بيها مثلا ماسكات مطبخ او لكاليك يعنى حجات مستهلكه لانها خيوط رديئه و مش بتعيش 
يتبقى عندنا انواع كتير لسه من الخيوط المخلطه و المصنعه
زى البوليستر والاكريلك والنايلون واللينو


فى كمان عندنا بقى الخيوط اللماعه والخيوط اللى فيها ترتر 
و بتبقى حلوه اوى فى السواريهات
وطبعا دى بتبقى مصنعه و مخلطه يعنى اكريلك ممكن بوليستر او حتى لاميه أو بولى امايد و معاهم جليتر يعنى اى خامه صناعيه
و بنستخدمها مع خيوط تانيه من نفس الألوان
و طبعا لازم ناخد بالنا ان هى لما بنشتغلها بيبقى صعب اوى اننا نفكها تانى
و الخيوط دى نظرا لان هى اصلا شكلها حلو اوى فالشغل بتاعها ف الغالب بيكون بالغرز العاديه اللى هى العامود لانها مش محتاجه اى شكل اكتر من كده,,

زى كده 


أو كده 


و ال 3 بكرات اللى ف النص دول 




فى خيط تانى جنجاه برده جليتر اهوه 


شنطه كروشيه بغرزه العمود 


وزينت بالشرايط الستان كده من قريب 


ودى البطانه خيطتها ع الماكنه وركبت فيها السوسته برده ع المكنه و ف الأخر لبستها فى الشنطه وخيطتها بأيدى 
بس طبعا حطيت بينها وبين الشنطه طبقه سفنج رفيع اوى و انا غالبا بعمل كده ف الشنط عشان زى ما احنا عارفين الكروشيه و التريكو بيهترئ من الاستعمال فبحاول احافظ عليه لأطول وقت


ودى السوسته وهى مقفوله و طبعا على اد ما تقدرى حاولى تشترى سوسته شكلها قيم عشان تدى قيمه للشنطه 


ودى الحلقه اللى انا ركبت فيها الدراع 


فى عندنا برده ف المحلات الخيوط التركى اللى مغرقه المحلات اليومين دول 
والخيوط دى بتبقى حلوه اوى ف الشغل والوانها حلوه اوى
زى كده


فى عندنا برده ف المحلات الخيوط التركى اللى مغرقه المحلات اليومين دول 
والخيوط دى بتبقى حلوه اوى ف الشغل والوانها حلوه اوى
زى كده




فى خيوط تانيه عندنا بتبقى مخصوصه لشغل البيبهات والاطفال يعنى البطاطين بتاعتهم و هدومهم


لانها بتبقى ناعمه اوى 

و مبتعملش حساسيه

زى ده




البكره اللى فوق ف النص مكتوب عليها 14 ومرسوم عليها بيبيى


البكر اللى فوق ب 9


وبيبقى كده


والشغل بتاعه كده


فى عندنا بقى خيط تانى اسمه خيط كروشيه و ده فتلته رفيعه جدا و بنشتريه من المحل بالكيلو 
وبنشتغل منه مجوز مرتين او تلاته زى ده

و ده خيط زى ما انتوا شايفين فى حتت ملمعه كده مكلكعه


واشتغلتهم الأتنين مع بعض تريكو شكلهم بقى كده


وفى بقى كمان الخيوط اللى كل شويه يطلعولنا بتقليعه جديده فيها 
بتكون موضات زى كده


و الخيط ده اسمه بونبون و كان موضه الشتا ده
وبيتعمل منه كوفيات بيكون شكلها كده



وفى الخيوط اللى مابين بقى رمش العين و حجات تانيه غريبه معاها زى دول


ده رمش العين و معاه شريط كده فتله واحده كلهم 



و ده خيط تحس كده انه مخطط


فى خيوط بقى بتبقى موبره و طالع منها حجات كده
زى الموهيرات 



وفى بقى اشكال كتير زى كده








وفى خيوط تحس ان هى فيها لمعه كده جوا الخيط
زى كده



نشوف بقى شويه خيوط كده منوعه 


ده خيط اسمه كواليتى نوعه اكريلك
موجود ف المحلات صيف شتا 
البكره ب 5 جنيه و موجود منه كل الالوان
كويس ف الشغل بس عيبه انه بيوبر


والشنطه دى بتتقفل بالحجات المغناطيسيه دى
و دى طريقه تانيه نقفل بيها الشنطه غير السوسته خاصه ان دى فتحتها مش خط مستقيم 


ودى صوره الأيد 


ده خيط تانى برده اكريلك


ده خيط تانى برده اكريلك



ده زيه بس احمر و الشغل ف الكروشيه بيبقى كده


فى خيط زى ده مخلط


و اللون البمبى بتاعه الجنجاه برده طاقيه تانيه 



وهنا من قريب طعمتها بالخيط الحرير


و دى بقى جوله حره ف المحل بتاع الخيط

و طبعا أى واحده يعجبها حاجه تتفضل تاخدها 
















دلوقتى انا خدت بكرتى الجميله و ابرتى الحلوه وبدأت اشتغل

ياترى ممكن احتاج ايه وانا شغاله اكتر من الأبره والخيط
فى حجات كتير بنسميها كماليات ممكن نستخدمها واحنا شغالين
تعالى كده بصى معايا 

دى مثلا غطا للأبره بتلبسيه لأبره التريكو بتاعتك عشان تسيبى الشغل وانتى متطمنه انه مش هيتسلت من على الأبره


وبصى هنا كمان
دول ماركر او علامات




ودول بنستخدمهم لما نكون شغالين كروشيه او تريكو و عايزين نفكر نفسنا بحاجه فى مكان معين
زى مثلا
فى الغرزه دى انا هزود او هنقص او هفوتها ومش هشتغل فيها و هكذا
و انا بستعيض عن الحجات دى بالدبابيس المشبك العاديه 
الجيش بيقولك اتصرف

طبعا وانا شغاله لازم هحتاج مقصلازم هحتاج مسطره أو مازوره
المسطره دى ناحيتين 
اول ناحيه بال سم وتانى ناحيه بالأنش 
لانى وانا شغاله اوقات كتير بلاقى باترونات بالأنش
معندكيش مسطره بالأنش
سهله افتحى الموبايل بتاعك وهتلاقى عليه برنامج محول الأطوال من كل حاجه ل كل حاجه

الأهم بقى من كل ده
قلم ونوت بوك

طبعا مهمين
مهمين فى ايه؟؟!!!

بصى ياستى
دلوقتى انا قررت اعمل مثلا مفرش
هروح جايبه قلمى و كاتبه المفرش الفلانى
هستعمل خيط نوعه كذا و لونه كذا و ابره مقاسها كذا
و طول ما انا ماشيه اسجل ملاحظاتى عن الشغل

عشان ف النهايه لما اخلص و احب اعمل مفرش تانى زى ده اعرف انا اشتغلته ازاى والمقاسات بالظبط

اهميه الملاحظات دى بتبقى اكتر فى الحجات اللى بتتلبس يعنى مثلا بلوزه
هبقى عارفه لما اجى اشتغل بنفس نوع الخيط انا عملت البدايه كام سلسله مثلا 
او لو المقاس طلع قليل او كتير ابقى عارفه وانا بعيد الشغل انا هقلل فين او هزود فين 

طيب تمام ياترى فى حاجه تانيه هعوزها؟
اه اكيد هعوز شنطه او كيس او علبه اعين فيها الخيط بتاعى وانا شغاله
ولا هسيبه يتمرمط ف الأرض و العيال يطلعوا عينه
بصى كده


طيب انا بشتغل ببكرتين فى نفس الوقت و مش عايزاهم يتلخبطوا فى بعض او يتلعبكوا 
شوفى ياستى هاتى كيس بلاستيك بس يكون كبير
يعنى اكبر من البكره بكتير عشان البكره تعرف تتحرك فيها براحتها
و اعمليه كده


واربطى طرفه بفتله خيط او اى رباط المهم ميكونش جامد عشان الخيط يتحرك معاكى براحته


طيب عندك فكره تانيه اصل موضوع الكيس ده مش مريحنى نفسيا
ايوه عندى
بصى على دى
علبه جزمه و فيها فتحه صغيره بتاعه تهويه انا بستخدمها كده

طيب انا معنديش علبه زى دى
اوكى بسيطه
هاتى اى علبه بلاستيك بتاعه مج بتاعه برطمان نسكافيه بتاعه اى حاجه و افتحى فيها فتحه مدوره من فوق و استخدميها بنفس الطريقه

طيب خلاص عرفنا هنشتغل ازاى 
فى اى حاجه تانيه بخصوص الموضوع ده


ايوه في
كتب الكروشيه


ماتفوتيش اى فرصه تلاقى فيها كتب كروشيه و متشتريهوش
لعدد من الأسباب 
اولا الكتب دى فى طريقها للأندثار
ثانيا فى كتب فعلا فعلا فيها معلومات قيمه جدا و متتعوضش

يبقى انا لو لاقيت اى كتاب و سعره كويس مناسب هبص فيه الأول كويس
ياترى فيه حاجه مفيده؟؟
الحاجه المفيده دى اكيد مش هتكون باترون او صوره 
لان ف الغالب الصور بتبقى ابيض واسود ومش باينه ف الكتب
و الباترونات اهيه ماليه النت
انا بدور على معلومات قيمه تستاهل فعلا الأقتناء 
زى مثلا موسوعه غرز 

و طبعا دلوقتى النت مليان كل حاجه 
فانتى ممكن تطبعى كل حاجه تحسى انك ممكن تحتاجيها وتعملى انتى 
كتاب لنفسك 

كده احنا خلصنا الشغل 

اعين بقى الأدوات اللى استخدمتها
لازم يكون عندى شنطه صغيره اعين فيها ادواتى عشان احافظ عليها
علشان مافيش حاجه تضيع وارجع ادور عليها
ده طبعا بالنسبه لى انا لو ابره ضاعت منى اكيد هعيط عليها

مثلا انا بعين الأبر هنا


ودى وهى مقفوله


وده مش معناه انى هروح مخصوص اشترى حاجه اعين فيها الأبر
لا
دى اصلا كانت علبه اقلام
يعنى انا ممكن اجيب اى مقلمه ولا اى شنطه ميك اب صغيره ولا اى حاجه تقضى الغرض

باقى بقى منى شويه خيوط 

اكيد مش هرميها 

هجيب كرتونه مثلا والم فيها كل بواقى الخيوط دى بس لازم الترتيب
عشان ما اجيش افتح الكرتونه فى يوم الاقى كل البكر ملعبك فى بعضه هروح شيلاه كله ورمياه

مثلا البكر الحرير لازم لازم احطه فى كيس بلاستك واربط عليه جامد لانه بيفك بسرعه اوى اوى اوى
الخيط الغالى و اللميع كمان بيبوظ بسرعه فلازم احافظ عليه

انما البكر العادى هلفه كويس اوى و امسك طرف البكره واعديه من تحت كام لفه ف البكره عشان امنعه انه يفك


طيب وانا بقى هقعد الم ف الكراكيب دى اعمل بيها ايه

طبعا ليها استعمال واستعمال حلو اوى كمان
ممكن تعملى منها لكاليك او توك او ماسكات مطبخ او روود تزينى بيها اى حاجه او حتى اكسسوار
او شوفى كده انا عملت ايه ببواقى الخيوط

كوفيه محترمه وبنت ناس اهيه



طيب انا خلاص الحمد لله اشتغلت

وعملت مفرش جميل او بلوزه جميله

دلوقتى كده انا دورى خلص؟؟
طبعا لأ 
لأن اهم من انك تعملى القطعه 
انك تقدرى تحافظى عليها وتعتنى بيها بعد ما تعبتى فيها ايام واشتغلتيها 
طيب ازاى هقدر اعمل كده
برده اجابه السؤال ده موجوده ع الورقه اللى حوالين البكره
تعالى كده نرجعلها سوا



شوفى بقى
انتى لازم تعرفى بالظبط العلامات دى معناها ايه عشان تقدرى تحافظى على شغلك لأطول فتره

زى مثلا

العلامه دى 


معناها ان الخيط ده مابيتكويش


لو المكواه كان جواها نقطه يبقى بيتكوى على درجه حراره واطيه أوى







و كل ما النقط جوا المكواه زادت بتزيد معاها درجه الحراره اللى بيتحملها المنتج ده


دى معناها انك ممكن تنضفى الخيط ده ف الدراى كلين 


ودى يعنى اوعى تعمليها ف الدراى كلين

واوقات بيكون فى حروف جوا الدايره و دى معناها انواع المنظفات اللى بنستخدمها ف الدراى كلين

العلامه دى 


معناها ان الخيط ده ممكن يتحطط ف المجفف بتاع الغسالات


ودى يعنى اوعى تحطيه فى مجفف الغساله

نيجى بقى لعلامات الغسيل


العلامه دى يعنى بيتغسل في الغساله عادى
و لو كان جواها نقط يعنى ممكن يتغسل فى مايه سخنه و كل ما زادت النقطه تزيد الحراره بتاعه المايه
و سعات بيكتبلنا جوا المربع رقم ده بيكون درجه الحراره اللى نغسله فيها

والعلامه دى 


معناها ان الخيط ده مبيتغسلش ف الغساله
و هنلاقى معاها علامه تانيه تقول انه ياما بيتغسل ف الدراى كلين ياما ع الأيد

وعلامه الغسيل ع الأيد اهيه


واخر علامه خاصه بالكلور و المبيضات

العلامه دى معناها ممكن تحطى كلور


ودى اوعى تحطى كلور


و كده يبقى كل حاجه محتاجين نعرفها عن الخيوط و العنايه بيهاخلصت

منقول للامانه 
 ام هبهوبه