بسم الله الرحمن الرحيم
غرزة الفيشارة
وتعرف بالانجليزية باسم popcorn stitch
وإختصارها فى الباترونات المكتوبه popc أو pc
ودى بعض الأعمال المستخدم فيها غرزة الفيشارة
_وفكرة غرزة الفيشارة تعتمد على شغل عدد من الغرز لها نفس الطول فى نفس المكان
ثم يتم إستخراج الإبرة من اللفه المتواجده فيها ووضعها فى أوّل غرزة من الغرز المكونه لغرزة الفيشارة
ثم إدخالها مرة اخرى فى اللفه الاصليه لها وسحبها من اول غرزة
ثم نلف الخيط على الإبرة مره أخرى وسحبها من خلال اللفة اللى على الإبرة وتنتهى غرزة الفيشارة
والكلام ده هنشرحه بالتفصيل وبالصور خلال الدرس
_ويكون طول غرزة الفيشارة على حسب نوع الغرزة المكونه لها فإن كانت تتكون من غرزة العمود إذن فطولها يعادل ثلاث سلاسل وهكذا
_وغرزة الفيشاره انواع تعتمد على
*نوع الغرز المكونه لها سواء العمود أو النصف عمود أو العمود الثنائى
*عدد الغرز المكونه لها فقد يكون ثلاثه او اربعه او خمسه........إلخ
*مكان دخول الإبره لعمل الغرز المكونه لها فقد يكون فى نفس الغرزة او فى نفس الفراغ
*كذلك تختلف بإختلاف دخول الإبرة للإنتهاء من الغرزة فقد تكون غرزة فيشارة داخلية او خارجية
وكل ده هنشرحه برضه بالتفصيل خلال الدرس
_زى ماذكرنا فى المقدمة إن غرزة الفيشارة بتختلف حجمها على حسب عدد الغرز المكونه لها فقد تكون 3 او 4 او 5 غرز
فى درسنا هنشرح النماذج بتاعة غرزة الفيشارة المكونه من 5 غرز
وعندنا 4 انواع من غرزة الفيشارة ودول اشهر اربع انواع متواجده فى الباترونات هنشرح كل نوع بالتفصيل
(1)
غرزة فيشارة مكونه من 5غرز نصف عمود فى نفس الغرزة
وبيكون رمزها فى الباترونات المرسومه بالشكل ده
وبيبقا شكلها كدا فى وسط الباترون المرسوم
وتعالوا نشوف هنعمل الغرزة دى إزاى
هنفترض اننا هنطبق الباترون المرسوم اللى فات ده واللى باين فيه ان المطلوب عمل غرزة فيشارة فى ثالث سلسلة
هنشتغل 5غرز نصف عمود زى ماسبق وشرحنا فى ثالث سلسلة (هنشتغلهم كلهم فى نفس السلسلة)
بعد مانخلص شغل 5 غرز نصف عمود هنخرج الإبرة من اللفه اللى موجوده فيها وندخلها فى أول غرزة نصف عمود عملناها من الأمام إلى الخلف(غرزة فيشارة أمامية اى تبرز فى وجه العمل وسنبين خلال الدرس الفرق بين الفيشارة الامامية والفيشارة الخلفيه)
ثم ندخل الإبرة مرة أخرى فى اللفه اللى كانت فيها فى الاول ونسحبها من خلال اول غرزة نصف عمود
هنلف الخيط حول الإبرة ونسحبها من اللفه اللى موجوده على الابرة
وبكدا نبقا خلصنا عمل غرزة فيشارة
وزى مافى الباترون المرسوم هناك مسافه بين اول فيشاره وتانى فيشارة بمقدار 3 سلاسل هنتركهم ونشتغل تانى فيشارة فى سابع سلسلة
والمسافات بين الفيشاره والاخرى بتبقا حسب الباترون يعنى ممكن يكون سلسلة او اتنين او اكتر وممكن يكون من غير مسافات خالص (لايوجد قانون معين فى المسافات بين الفيشارات وبعضها)
وده شكل غرزة الفيشارة المكونه من 5 غرز نصف عمود فى نفس السلسلة
(2)
غرزة فيشارة مكونه من 5 غرز عمود فى نفس الغرزة
ويكون رمزها فى الباترونات المرسومه بالشكل ده
وده شكلها وسط الباترون المرسوم
وتكون هذه الغرزة اكبر ومنتفخه اكثر من غرزة الفيشاره ذات النصف عمود
وطريقة عملها نفس طريقة عمل غرزة الفيشارة المكونه من 5 غرز نصف عمود فى نفس الغرزة ولكن بدل النصف عمود هنعمل عمود
كما فى الرسم
وده شكل غرزة فيشارة مكونه من 5 غرز عمود فى نفس الغرزة
(3)
غرزة فيشارة مكونه من 5 غرز عمود ثلاثية فى نفس الغرزة
ورمزها فى الباترونات المرسومه
رمزها فى وسط الباترون تكون بهذا الشكل
وهذه الغرزة تكون اكبر ومنتفخه اكثر من الفيشارة ذات النصف عمود والفيشاره ذات العمود
وطريقة عملها نفس طريقة عمل الغرز السابقة مع استبدال الغرز بغرز عمود ثلاثية كما بالرسم
وهذا شكل غرزة فيشارة مكونه من 5 غرز عمود ثلاثية فى نفس الغرزة
(4)
غرزة الفيشارة المكونه من 5 غرز عمود فى نفس الفراغ
ورمزها فى الباترونات المرسومه بتكون بالشكل ده مفتوحه من تحت
ورمزها فى وسط الباترون
والمقصود فى نفس الفراغ اى فى الفراغات الموجوده بين الغرز وليس فى الغرزة
وطريقة عملها نفس طريقة عمل غرزة الفيشارة المكونه من 5 غرز عمود فى نفس الغرزة ولكن بدلا من شغل غرز العمود فى الغرزة هنشتغلهم فى الفراغ كما بالرسم
وده شكل غرزة الفيشارة المكونه من 5 غرز عمود فى نفس الفراغ
وكما عرفنا أن غرزة الفشارة هيا غرزة منتفخه وتبرز خارج العمل
وقد وجد نوعان لهذا البروز فقد تكون غرزة الفيشارة
(1) غرزة فيشارة خارجية (Popcorn_out)
وفيها تكون غرزة الفيشاره بارزة من وجه العمل
وبنشتغلها كالتالى بعد عمل عدد الغرز المطلوب عملها وبعد إخراج الإبرة من اللفه المتواجده فيها يتم إدخال الإبرة فى أول غرزة من الأمام إلى الخلف ثم إدخاله فى اللفه التى تم إخراجها منها سابقا وسحبها من أول غرزة لتتكون غرزة الفيشارة
كما هنلاحظ فى الرسم التوضيحى ده
(2)غرزة فيشارة داخليه (popcorn_in)
وفيه تكون غرزة الفيشارة بارزة من خلف العمل
وبنشتغلها كالتالى بعد عمل عدد الغرز المطلوب عملها وبعد إخراج الإبرة من اللفه المتواجده فيها يتم إدخال الإبرة فى أول غرزة من الخلف إلى الأمام ثم إدخاله فى اللفه التى تم إخراجها منها سابقا وسحبها من أول غرزة لتتكون غرزة الفيشارة
كما هنلاحظ فى الرسم التوضيحى التالى
فيديو غرزه الفشاره
