جاكيت حريمى تريكو رائع مع شرح طريقة العمل

المقاسات

اكس سمول - سمول - ميديام - لارج - اكس لارج

المقاس النهائى

الصدر: وهو مقفول:32-36-40-44-48
الطول :24.5 -24.5-25 - 25.5 -26 بوصة

المواد المطلوبة :الخيط 13 -14 -17 -18 -20 شلة صوف وزن الشلة 50 جرام

ابر تريكو عادية مقاس 4 ملم ومقاس 5 ملم او المقاس المناسب للعينه او مقياس الشد
وابرة دائرية مقاس 5 ملم
عدد 5 ازرار
علامة للغرز

العينة: 20 غرزة * 28 سطر = 4 بوصة او 10 سم

على اكبر ابر

الباترون

الظهر :باصغر ابر ابدئى 86 -98 110-122-134
البليسية : السطر الاول من وجه العمل : 2ع (2 م- 2 ع )كررى ما بين القوسين

السطر الثانى :2 م (2 ع - 2 م ) كررى ما بين القوسين لاخر السطر
كررى السطرين السابقين لحد ما يصل طول العمل عندك الى 7 بوصة من البداية منتهية بوجه العمل
بدلى الابر بالمقاس الاكبر واشتغلى السطر التالى مقلوب والذي سيكون مقلوب من ظهر العمل
نقصى 26 - 28 -30- 32- 34 غرزة بالتساوى على السطر
ليصبح عدد الغرز عندك الان 60 - 70 -80- 90 -100
اشتغلى الان بغرزة الجرسيه وزودى وانتى بتشتغلى غرزة على كل جانب كل 4/3 بوصة وكررى الزيادة هذه 10 مرات ليصبح عدد الغرز عندك 80 - 90 -100-110-120 غرزة بعد الزيادة رقم 10

واشتغلى لحد ما يصل الطول 15 بوصة من بداية العمل منتهية بظهر العمل

حرد الابط:

اقفلى (3-4-6-8-9)غرزة فى بداية السطرين التاليين يبقى باقى معكى الان (74-82-88-94-102) غرزة

سطور التنقيص:

ولمقاس ميديزم ولارج واكس لارج فقط:السطر الاول:اشتغلى سطر تنقيص من وجة العمل كالاتى:1ع-ثم اشتغلى 2 معا وارجعى الغرزة اللتي نتجت الى الابرة الشمال ثم مررى عليها
الغرزة الموجودة بعدها على الابرة الشمال ثم اعيدى الغرزة الى الابرة اليمين مرة اخرى ( وهذا معناه تنقيص غرزتين ) ثم اشتغلى عدل لاخر 4 غرز اعمليهم كالاتى
اسلتى غرزة -2 ع معا -مررى الغرزة المسلوتة-1 ع
يبقى معكى الان (84-86-86)غرزة
لكل المقاسات

السطر الثانى :

من وجه العمل:1 ع- ثم اشتغلى 1ع وارجعيها الى الابرة الشمال ثم مررى عليها الغرزة اللى بعدها ثم ارجعيها مرة اخرى الى الابرة اليمين بذلك نقصتى غرزة -اشتغلى عدل لاخر 3 غرز كالاتى اسلتى غرزتين كانك بتشتغليهم عدل ثم ادخلى الابرة الشمال فيهم من الامام واشتغليهم 2 ع معا-ثم 1 سيبقى معكى الان (72-80-82-84-84)
كررى هذا السطر على وجه العمل (17-25-26-27-27)مرةاضافية ثم كرريه كل رابع سطرلمقاس اسمول فقط انتهى بظهر العمل
ثم اقفلى الغرز المتبقية معكى وهى 30 غرزة

الان نبدأ فى عمل الامام

الجزء الايسر :

بالابر الصغيرة ابدى (38
-42-50-54-62) اشتغلى البليسية لمسافة 7 بوصة منتهية بوجه العمل
الان غيرى للابر الاكبر واشتغلى السطر التالى مقلوب ونقصى(12-12-14-14-16) غرزة بالتساوى على طول السطر ليصبح معكى الان(26-30-36-40-46 )
اشتغلى بالجرسية وزودى غرزة فى بداية السطر من وجه العمل كل 3/4 بوصة (8مرات)سيصبح معكى الان (34-38-44-48-54)غرزة
اشتغلى لحد ما يصل الطول من البداية الى 13 ونصف بوصة منتهية بظهر العمل
علمى بداية اخر سطر عندك لنعمل بداية الرقبة

الرقبة وحردتها:

سطر التنقيص من وجه العمل : اشتغلى عدل لاخر غرزتين اشتغليهم 2 ع معا يبقى معكى الان (33-37-43-47-53)غرزة
كررى هذا التنقيص كل سادس سطر (8-4-6-0-3) مرات ثم كل ثامن سطر (1-4-3-8-6)مرات
وفى نفس الوقت استمرى فى زيادة غرزة فى بداية كل سطر من وجه العمل فى السطر التالى ثم زوديها كل 3/4 بوصة مرة اخرى فقط وبذلك يكون اجمالى الزيادات 10 زيادات
انتهى من الشغل لما يصل طول الشغل الى 15 بوصة وانتهى من ظهر العمل

حردة الابط:

استكمالا لتنقيص الرقبة اقفلى(3-4-6-8-9)فى بداية السطر التالى و هذا لسطر واحد فقط
ثم استمرى فى تنقيصات الرقبة وانتى بتعملى تنقيصات حردة الابط
بالنسبة لمقاس سمول وميديام ولارج واكس لارج فقط اشتغلى كالتالى
1
ع-ثم اشتغلى 2 معا وارجعى الغرزة اللى نتجت الى الابرة الشمال ثم مررى عليه
الغرزة الموجودة بعدها على الابرة الشمال ثم اعيدى الغرزة الى الابرة اليمين مرة اخرى ( وهذا معناه تنقيص غرزتين ) ثم اشتغلى عدل لاخر السطر
وكررى هذا التنقيص عدد (2-3-5-7) مرات اخرى منتهية بظهر العمل
لكل المقاسات
1 ع- ثم اشتغلى 1ع وارجعيها الى الابرة الشمال ثم مررى عليها الغرزة اللى بعدها ثم ارجعيها مرة اخرى الى الابرة اليمين

ثم اكملى عدل للاخر عدل
وكررى هذا التنقيص كل سطر من وجه العمل (20-19-20-19-19) مرة اخرىثم كرريه كل رابع سطر (1-0-0-0-0-)مرات منتهية بظهر العمل
ولما تخلص التنقيصات كلها اقفلى الغرز الباقية

الجانب الايمن
اشتغلى مثل الجانب الايسر لكن بالعكس واشتغلى الزيادات فى نهاية السطر وليس فى بداية السطر واشتغلى تنقيص الرقبة فى بداية السطر من خلال الاتى(اسلتى غرزتين كأنك تشتغليهم عدل ثم ضعى الابرة الشمال فيهم من الامام واشتغليهم 2 عدل معا ثم اشتغلى باقى السطر عدل للنهاية
واقفلى غرز حردة الابط من ظهر العمل
واشتغلى التنقيص لحردة الابط فى نهاية السطر من وجه العمل وليس فى بدايته كالاتى (اسلتى غرزة ثم 2 ع معا ثم مررى المسلوته

الاكمام

اولا : الكم الايسر
بالابر الاصغر ابدئى 62 غرز
واشتغلى بليسية مثل الظهر لمسافة 6 بوصة منتهية بوجه العمل غيري الان للابر الكبيرة واشتغلى السطر التالى مقلوب نقصى 22 غرزة على طول السطر بالتساوى ليصبح معكى 40 غرزةوابدئى اشتغلى جرسية وزودى غرزة على كل جانب كل (1 - 1 - 3/4 -3/4 -1/2 )
(10 -10 -13 -15 -18 ) مرة
وبذلك يكون معكى على الابرة(60 -60-66-70-76)غرزة واشتغلى لحد مايصل طول الكم الى 18 بوصة منتهية بظهر العمل
الان نقصى للحردة كالاتى
اقفلى (3-4-6-8-9) غرزة فى اول السطرين التاليين يبقى معكى الان (54-52-54-54-58) غرزة

ملحوظة مهمة

حردة الكم هنا سيكون فيها جنب اطول من الجنب الاخر يعنى انتبهي وانتى بتشتغلى وخلى بالك من التنقيص فى كلاالجانبين للكم الواحد

التنقيص :

من وجه العمل :1 ع -اشتغلى 1ع وارجعيها الى الابرة الشمال ثم مررى عليها الغرزة اللى بعدها ثم ارجعيها مرة اخرى الى الابرة اليمين يعني نقصتى غرزة -اشتغلى عدل لاخر 3 غرز كالاتى اسلتى غرزتين كانك بتشتغليهم عدل ثم ادخلى الابرة الشمال فيهم من الامام واشتغليهم 2 ع معا-ثم 1 يبقى معكى الان (52-50-52-52-56)
بهذا السطر السابق استخدميه لتنقصى غرزة اول كل سطر من وجه العمل (7-5-5-3-5) مرات اخرى ثم كل رابع سطر (9-10-11-13-13) مرة
وفى نفس الوقت نقصى غرزة فى نهاية كل سطر(10-8-8-9) مرة اخرى ثم كل رابع سطر (6-7-8-9-9)مرة
ولما ينتهى التنقيص الخاص بنهاية السطر اكملى التنقيص الخاص ببداية السطر وفى نفس الوقت اقفلى 5 غرز فى بداية كل سطر من ظهر العمل اربع مرات

الكم الايمن:

اشتغليه مثل الكم الايسر لكن بعكس التنقيص الخاص لحردة الكم يعنى التنقيص الخاص بالحردة فى بداية السطر اجعليه للتنقيص بنهاية السطر والتنقيص الخاص بنهاية السطر اجعلية للتنقيص ببداية السطر لكي يتوافقوا مع بعض عندما تركبيهم
وبخصوص قفل5 غرز فى النهاية اجعلية فى بدايه السطر من وجه العمل وليس فى بداية السطر من ظهر العمل

الان نعمل حواف الجاكت

وهى كالاتى اولا الجزء الايسر منها
بالابر الصغيرة القطى من ناحية وجه العمل ومن عند العلامةيلي تركناهاعند الرقبة القطى 90 غرزةعلى طول حافة الجانب الايسر للامام وابتداء من السطر التانى اشتغليهم بالبليسيه لمسافة بوصة ونصف منتهية بظهر العمل اقفلى الغرز الان
الجانب الايمن: اشتغليه كالجانب الايسر ولكن القطى الغرز من نهاية واسفل الجزء الايمن وليس من عند الرقبة واشتغلى لحد طول 3/4 بوصة ثم ابدئى فى عمل العراوى كالاتى
اشتغلى 4 غرز ثم اقفلى غرزتين (اشتغلى لحد مايصبح معكى على الابرة اليمين 18 غرزة بعد القفل ثم اقفلى الان غرزتين) كررى ما بين الاقواس 3 مرات اخرى ثم اكملى السطر عادى
السطر الثانى : اشتغلى بالبليسيه المتبع عادى وانشئى غرزتين فوق كل غرزتين قمتى باقفالهم
اكملى الشغل عادى لحد ما يصل طول البليسيه 1 ونصف بوصة منتهية بظهر العمل اقفلى البليسيه
الان خيطى الاجزاء مع بعضها

وابدئى بعمل الرقبة

الجزء الايسر :

بالابر الدائرية ابدئى (65-65-68-71-74 )غرزةاشتغلى 4 سطور بالجرسيه ثم 6 سطور بمعكوس الجرسيه
يعنى الاربع اسطر الاولى بيكون الوجه فيهم عدل والست اسطر الثانية بيكون الوجه فيهم مقلوب وانتهى بظهر العمل

الان اتبعى الاتى

السطور القصيرة
من وجه العمل
السطر 1 : اشتغلى عدل (59-59-62-65-68 )غرزة
لفى الشغل واشتغلى
السطر الثانى : اسلتى غرزة ثم اشتغلى الباقى مقلوب
السطر 3 :اشتغلى 9 ع -ثم وزودى غرزة بطريقة m1k
ثم ضعى علامة-5 ع-ضعى علامة ثم m1k
ثم اشتغلى عدل (36-36-39-4245) غرزة -m1k
ثم ضعى علامة -5 ع -ضعى علامة -m1k
اشتغلى 6 ع ثم لفى الشغل
السطر 4:اسلتى غرزة ثم مقلوب للنهاية
السطر 5:كله عدل
السطر 6 :مقلوب واشتغلى بعده 6 اسطر معكوس الجرسيه
ابدئى الان فى التالى
السطور القصيرة
السطر 1: اشتغلى ع (63-63-66-69-72 )غرزة ثم لفى الشغل
السطر 2:اسلتى غرزة واشتغلى الباقى مقلوب
السطر 3 :اشتغلى لحد العلامة ثم اشتغلى m1k وشيلى العلامةثم 5 ع ثم شيلى العلامة واشتغلى عدل لحد العلامةالتالية
اشتغلى m1k شيلى العلامة-ثم 5 ع -ثم شيلى العلامة m1k 6 عدل
ثم لفى الشغل
السطر 4 :اسلتى غرزة واشتغلى مقلوب للنهاية الان معكى(73-73-76-79 -82 ) غرزة
السطر 5 : كله عدل
السطر 6:مقلوب و اشتغلى 6 اسطر معكوس الجرسيه
الان كررىالسطور القصيره من 1 الى 6من الشغل حتى يصبح عندك (85-85-88-91-94 ) غرزة على الابرة

الجزء الايمن من الرقبة

اشتغلى نفس الجزء الايسر العكس واشتغلى السطور القصيرة كالاتى
السطر الاول : عدل
السطر الثانى مقلوب لاخر 6 غرز ثم لفى الشغل
السطر 3 : اسلتى غرزة ثم اشتغلى عدل للنهاية
السطر 4 : سطر الزيادة :9 مقلوب -m1p-علامة-5 م -علامة-m1p-اشتغلى مقلوب (36-36-39-42-45)غرزة-m1p-علامة -5ع-علامة-m1p-علامة-6 م-لفى الشغل
السطر 5 :اسلتى غرزة واشتغلى الباقى عدل
السطر 6 : مقلوب واشتغلى 6 اسطر معكوس الجرسيه
اكملى زى الجزء الايسر ليكونوا مثل بعض
خيطى الجزئين معا من الجهة الاطول لهما ثم خيطيها بالجاكيت من عند غرز البدايه لها وظبطيهاا لى الجاكيت من الامام لتعطيكى الشكل اللى بالصورة
وركبى الازرار

منقول