عمل شال تريكو من غرزة المربعات المتداخلة? how to crochet a shawl

 

شرح الجزء الاول
طبعا الشرح دا منسوب لماما سارة
الغرزة دى ممكن نعملها بست غرز ومضاعفاتها او ثمانية غرز ومضاعفاتها حسب العرض الى انتى عايزاه
انا هنا هشتغلها على اساس ست غرز وهضاعفهم لـ 12 غرزة علشان اعمل اسكارف بسيط ( وكل واحدة تحدد العرض الى عايزاه بمضاعفات رقم الـ 6 )
الخطوات :
نبدا بصف 12 غرزه على الابرة ( انا عندى 12 غرزة لكن كل واحدة حسب العرض الى هى عايزاه تصف الغرز من مضاعفات الـ 6 ) ونفصل بين كل ست غرز بعلامة اسهل للمبتدئات علشان عدم اللخبطة .. زى الصورة

هنعمل اول مثلث على اول ستة غرز كالتالى :
السطر الاول 2 مقلوب ثم اقلبي القطعه
السطر الثاني 2 عدل ثم اقلبي
السطر الثالث 3 مقلوب ثم اقلبي
السطر الرابع 3 عدل ثم اقلبي
السطر الخامس 4 مقلوب ثم اقلبي
السطر السادس 4 عدل ثم اقلبي
السطر السابع 5 مقلوب ثم اقللبي
السطر الثامن 5 عدل ثم اقلبي
السطر التاسع 6 مقلوب
ثم بعدها لاتقلبي وتكوني خلصتي اول مثلث
كالشكل

وبنفس الخطوات بالضبط نشتغل المثلث الثانى المكون من 6 غرز ( وهكذا كل المثلثات الباقية بنفس الخطوات بالضبط )

هينتج هذا الشكل

 

ودا فيديو تفصيلى هيسهل الشرح وهيوضحه 

شرح الجزء الثانى
الجزء دا ممتع جدا فى الشغل
بس علشان نبسطه هنقسمه على 3 مراحل هنشتغل مرحلة مرحلة مع بعض وواحدة واحدة وبهدوء خالص وتركيز علشان المبتدئات
بداية دا شكل الشغل بعد انتهاء الجزء الثانى بمراحلة الثلاثه

ودلوقتى نبتدى شرح اول مرحلة :
اول حاجة نعملها اننا نقطع الخيط الخاص بشغل اول جزء ونشبك الخيط الثانى
ونتبع الاتى : ( طبعا هنشتغل على اول 6 غرز )
السطر الاول : نشتغل 2 غرزة عدل باللون الجديد

ثم نقلب الشغل

السطر الثاني: نشتغل 2 غرزة مقلوب

ثم نقلب الشغل السطر الثالث: هنبتدى نزود من السطر دا وفى كل سطر فردى غرزة واحدة ... اوك ؟ .. ياريت الصور دى توضح زيادة الغرزة ..








وعلى العموم زيادة الغرزة للى مش عارفاها هتبان اوى فى الفيديو
كدا بعد ما زودنا الغرزة هيكون عندنا على الابرة الشمال 3 غرز باللون الجديد ... مضبوط ؟ هنشتغل اول غرزتين باللون الجديد عدل والغرزة الثالثه هننقلها على الابرة اليمين بدون اى شغل هننقلها زى ما هى .. وبعدها نشتغل غرزة من اللون القديم عدل ... هيكون كدا عندى على الابرة اليمين 4 غرز ..تمام كدا ؟

هنخرج الغرزه اللي سحبناها على الابرة اليمين بدون شغل ونقلبها على الغرزه الى بعدها

هيتفضل على الابرة اليمين كدا 3 غرز .. اوك ؟ نقلب الشغل
السطر الرابع :-نشتغل 3 غرز مقلوب .... ونقلب الشغل

السطر الخامس : هنعمل نفس الى عملناه فى السطر الثالث نزود غرزة ... وكدا بعد ما زودنا الغرزة هيكون عندنا على الابرة الشمال 4 غرز باللون الجديد ... مضبوط ؟ نشتغل اول 3 غرز باللون الجديد عدل والغرزة الرابعة هننقلها على الابرة اليمين بدون اى شغل هننقلها زى ما هى .. وبعدها نشتغل غرزة من اللون القديم عدل ... هيكون كدا عندى على الابرة اليمين 5 غرز ..تمام كدا ؟ هنخرج الغرزه اللي سحبناها على الابرة اليمين بدون شغل ونقلبها على الغرزه الى بعدها .. زى ماعملنا فى السطر الثالث بالضبط هيتفضل على الابرة اليمين كدا 4 غرز .. اوك ؟ نقلب الشغل


السطر السادس : هنشتغل 4 غرز مقلوب .. ونقلب الشغل
السطر السابع : نفس الى عملناه فى السطرين الثالث والخامس .. والتكرار بيعلم الشطار
نزود غرزة ... وكدا بعد ما زودنا الغرزة هيكون عندنا على الابرة الشمال 5 غرز باللون الجديد ... مضبوط ؟ نشتغل اول 4 غرز باللون الجديد عدل والغرزة الخامسة هننقلها على الابرة اليمين بدون اى شغل هننقلها زى ما هى .. وبعدها نشتغل غرزة من اللون القديم عدل ... هيكون كدا عندى على الابرة اليمين 6 غرز ..تمام كدا ؟ هنخرج الغرزه اللي سحبناها على الابرة اليمين بدون شغل ونقلبها على الغرزه الى بعدها .. زى ماعملنا فى السطرين الثالث والخامس بالضبط هيتفضل على الابرة اليمين كدا 5 غرز .. اوك ؟
نقلب الشغل


السطر الثامن : نشتغل 5 غرز مقلوب .. ونقلب الشغل

السطر التاسع ( اخر سطر ) : نكرر الى عملناه فى السطور الثالث والخامس والسادس
نزود غرزة ... وكدا بعد ما زودنا الغرزة هيكون عندنا على الابرة الشمال 6 غرز باللون الجديد ... مضبوط ؟
نشتغل اول 5 غرز باللون الجديد عدل والغرزة السادسة هننقلها على الابرة اليمين بدون اى شغل هننقلها زى ما هى .. وبعدها نشتغل الغرزة الى فاضله من اللون القديم عدل ... هيكون كدا عندى على الابرة اليمين 7 غرز ..تمام كدا ؟
هنخرج الغرزه اللي سحبناها على الابرة اليمين بدون شغل ونقلبها على الغرزه الى بعدها .. زى ماعملنا فى السطور الثالث والخامس والسابع بالضبط ...
هيتكون على الابرة اليمين كدا 6 غرز .. اوك ؟

وهنا مش هنقلب الشغل
وهنكون كدا خلصنا شغل اول 6 غرز

وهيكون شكل الشغل كدا



وبكدا المرحلة الاولى من الجزء الثانى انتهت ودا فيديو بيشرحها بطريقة حلوة اوى

شرح المرحلة الثانية فى الجزء الثانى
ــــــــــــــــــــــــــــــــــــــــــــــــــــــــــ

عايزاكم الاول تلاحظو الصورة دى والنقاط البيضاء عليها

لان المرحلة دى اسهل كتير جدا من الى فاتت

من مكان هذه النقاط هنلقط عدد 6 غرز على الابرة اليمين ...

كدا اوك ؟

وهنشتغل على الـ 6 غرز الى لقطناهم وكمان على الـ 6 غرز الى موجودين على الابرة الشمال الى باللون القديم السطور التالية :

السطر الاول: هنشتغل عدد 6 غرز مقلوب ( طبعا دول الست غرز الى لقطناهم ) ثم نقلب الشغل

السطر الثاني : هنشتغل من الست غرز الى لقطناهم عدد ( 5) غرز عدل والغرزه السادسه نسلتها على الابرة اليمين من غير اى شغل زى ما عملنا فى المرحلة السابقة

بعدها نشتغل غرزة عدل من اللون القديم ( الى هو عندى انا لونه احمر وعند جنات لونه بنى وعند هناء لونه اخضر وعند بيرو لونه تركواز ) ثم نقلب عليها الغرزه المسلوته ونخرجها من الابرة زى ما عملنا فى المرحلة السابقة

بعد كدا نقلب الشغل ... لحد كدا اوك ؟

لو فهمتى السطرين دول يبقى خلاص انتى كدا خلصتى المرحلة الثانية فى الجزء الثانى لاننا هنكرر السطور الفردية كلها زى السطر الاول والسطور الزوجية كلها زى السطر الثانى بالضبط لحد ما الست غرز الى باللون القديم تخلص ومايتبقاش اى غرزة منها على الابرة .. انا شغالة من البداية على مثلثين بس لذلك المرحلة دى عندى مرة واحدة لكن الى عندها البداية 3 مثلثات المرحلة دى هتتكرر مرتين .. وهكذا

وهينتج عندك الشكل دا

ودا فيديو بيوضح طريقة شغل المرحلة السهلة والجميلة دى

 

شرح المرحلة الثالثة فى الجزء الثانى

( لاسحر ولا شعوذة ) هههههههههههههها

مرحلة اسهل من السهولة

ــــــــــــــــــــــــــــــــــــــــــــــــــــــــــ

عايزاكم برضو تلاحظو الصورة دى والنقاط البيضاء عليها

الاول

زى الخطوة الى فاتت مكان النقط هنلقط عدد 6 غرز

وهنشتغل على الست غرز دول بالتنقيص منهم بمقدار غرزة واحدة كل سطر فردى بالغرز المقلوبة لحد ما يصفصفوا فى النهاية على غرزة واحدة كالاتى :

السطر الاول :هنشتغل عدد (2) غرزة مقلوب مع بعض ثم 4 مقلوب ( كدا هيتفضل عندى 5 غرز فقط ) .

ثم نقلب الشغل

السطر الثاني :هنشتغل عدد (5) غرز عدل ...ثم نقلب الشغل

السطر الثالث: هنشتغل عدد ( 2 ) غرزة مقلوب مع بعض ثم 3 مقلوب ثم نقلب الشغل

السطر الرابع : هنشتغل عدد ( 4) غرزة عدل ثم نقلب الشغل

السطر الخامس: هنشتغل عدد (2) غرزة مقلوب مع بعض ثم 2 غرزة مقلوب ثم نقلب الشغل

السطر السادس:هنشتغل عدد ( 3) غرزة عدل ثم نقلب الشغل

السطر السابع:هنشتغل عدد (2) غرزة مقلوب مع بعض ثم 1 غرزة مقلوب ثم نقلب الشغل

السطر الثامن :هنشتغل عدد ( 2) غرزة عدل ثم نقلب الشغل

السطر التاسع:هنشتغل اخر غرزتين مقلوب مع بعض

كدا هيتبقى معانا غرزه واحده فقط من الست غرز

ودا فيديو بيوضح الطريقة

تابعى الجزء الاول فقط فى الفيديو لحد الدقيقة 2.42 فقط

                                             منقول