سلوبت لبيبى (2)

سلوبت لبيبى (2) شرح الارجل بعد مانخلص جسم السلوبت هانعد المراوح في اخر سطر ونقسمهم على 2 .. نصفهم للرجل اليمين ونصفهم للرجل الشمال .. والعمود اللي ...

كوفر ببرونه للسلوبت

كوفر ببرونه للسلوبت ◄◄ كوفر الببرونة ►► هانعمل 5 سلاسل ونقفل الدايرة بمنزلقة ◘◘ السطر الاول ◘◘ هانشتغل داخل الدايرة 14 عمود ( وطبعا هانحسب اول 3 سل...

لكلوك بيبى للسلوبت

لكلوك بيبى للسلوبت ◄◄ اللكلوك ►► هانعمل 4 سلاسل ونقفل الدايرة بمنزلقة ◘◘ السطر الاول ◘◘ 12 عمود داخل الدايرة خلاص بقى فهمنا ان اول 3 سلاسل بيتح...

الأربعاء، 30 يناير 2013

سلوبت لبيبى (2)



شرح الارجل

بعد مانخلص جسم السلوبت هانعد المراوح في اخر سطر ونقسمهم على 2 .. نصفهم للرجل اليمين ونصفهم للرجل الشمال .. والعمود اللي في النص هانقسم منه


 
◘◘ السطر الاول ◘◘

بعد ماشتغلنا اخر سطر هانقفل بمنزلقة في العمود اللي في النص ونطلع ب4 سلاسل  

 
ملحوظة : هانشتغل الرجل رايح جاي زي ماشتغلنا جسم السلوبت
يعني في الجسم كنا بنخلص السطر ونرجع نشتغل بالعكس صح ؟
في الرجل هانشتغل بنفس الطريقة بس هانقفل بمنزلقة في اخر السطر

نكمل الشرح
بعد مانطلع ب4 سلاسل هانرجع نعمل عمود بلفتين فوق العمود
  


 
وزي مانتوا شايفين الشغل هايبقى من الداخل

نكمل
هانعمل مروحة في المروحة التالية وعمود في العمود التالي

  
ونكرر .. مروحة وعمود لاخر السطر 

  
نقفل بمنزلقة في رابع سلسلة من ال4 سلاسل اللي عملناهم في اول السطر



 
◘◘ السطر الثاني ◘◘

هانشتغل من الخارج

نطلع ب3 سلاسل 


نعمل مروحة في اول مروحة وعمود فوق العمود التالي

  
ونكرر لاخر السطر


 
ثم نقفل بمنزلقة في اول عمود لأول مروحة في السطر



◘◘ السطر الثالث ◘◘

من الداخل

نطلع بسلسلتين

  
ثم عمود في اول عمود في المروحة وعمود في ثاني عمود ثم سلسلة
 

ثم عمودين في المروحة
 
  
ثم عمود في العمود التالي ومروحة في المروحة التالية

  
ونكرر الخطوة السابقة لآخر مروحة
 
 
نعمل فيها عمودين وسلسلة

  
ثم عمود في العمود التالي
 
 
ثم عمود في العمود التالي بس مانقفلهوش .. يعني هانشتغل العمود عادي ونقف عند اخر خطوة مانعملهاش هايبقى فيه فتلتين على الابرة كده
 
 
هانسيب السلسلتين اللي عملناهم في اول السطر وندخل بالابرة في اول عمود في السطر ونسحب الخيط ونطلع به من الغرز اللي على الابرة كلها

  
كده احنا عملنا تنقيص في اخر عمود مع اول عمود في السطر .. عشان لما اقول تنقيص في اخر عمود في السطر مع اول عمود في السطر تفهموا قصدي ايه

◘◘ السطر الرابع ◘◘

من الخارج

نطلع بسلسلتين ونعمل عمود في العمود التالي

 
ثم عمود في السلسلة

 
ثم 3 عواميد في ال3 عواميد الجايين
 
 
ثم مروحة في المروحة وعمود فوق العمود


نكرر الخطوة السابقة لحد اخر عمود بعد اخر مروحة

 
نعمل عمودين في العمودين الجايين وعمود في السلسلة

 
ثم تنقيص في اخر عمود مع اول عمود في السطر 




                       

الثلاثاء، 29 يناير 2013

كوفر ببرونه للسلوبت

◄◄ كوفر الببرونة ►►

هانعمل 5 سلاسل ونقفل الدايرة بمنزلقة


◘◘ السطر الاول ◘◘

هانشتغل داخل الدايرة 14 عمود ( وطبعا هانحسب اول 3 سلاسل عمود )

 
◘◘ السطر الثاني ◘◘

هانشتغل على كل عمود عمودين

 
 ◘◘ السطر الثالث ◘◘

هانشتغل عمود _ عمودين
ونكرر لآخر السطر

 
◘◘ السطر الرابع ◘◘

هانشتغل عمود على كل عمود
ونكرر السطر ده لحد السطر قبل قبل الاخير

 
◘◘ السطر قبل قبل الاخير ◘◘

هانعمل 4 سلاسل * ونسيب غرزة ونعمل في اللي بعدها عمود وسلسلة *
ونكرر اللي بين النجمتين لآخر السطر نقفل بمنزلقة في ثالث سلسلة من ال4 سلاسل اللي عملناهم اول السطر
 

 
◘◘ السطر قبل الاخير ◘◘

هانشتغل عمود على كل عمود وعمود على كل سلسلة

 
◘◘ السطر الاخير ◘◘

هانطلع ب3 سلاسل

 
ونعمل 3 عواميد في نفس الغرزة



نسيب غرزتين ونعمل في الثالثة حشو

ونطلع بسلسلتين

 
ونعمل في نفس الغرزة 3 عواميد

 
نكرر اللي باللون الاخضر لآخر السطر ونقفل بمنزلقة في اول سلسلة
 
 
بعد كده نعمل الرباط زي ماعملنا في الطاقية


وندككه في السطر قبل قبل الاخير


منقول

              

لكلوك بيبى للسلوبت

◄◄ اللكلوك ►►

هانعمل 4 سلاسل ونقفل الدايرة بمنزلقة



◘◘ السطر الاول ◘◘

12 عمود داخل الدايرة
خلاص بقى فهمنا ان اول 3 سلاسل بيتحسبوا عمود
  
 
◘◘ السطر الثاني ◘◘

هانعمل عمودين في كل عمود ( المجموع 24 عمود )

 
◘◘ السطر الثالث ◘◘

هانشتغل عواميد فوق العواميد



بعد كده نكرر السطر السابق لحد مانوصل للسطر السابع

 
هانعد العواميد في السطر الاخير ونقسم على 2 ( طلع معايا 12 عمود )

◘◘ السطر الثامن ◘◘

هانشتغل 12 عمود



◘◘ السطر التاسع ◘◘

هانطلع ب3 سلاسل ونرجع نشتغل عواميد فوق العواميد اللي عملناها


◘◘ السطر العاشر ◘◘

نكرر السطر السابق


ثم نشبك اخر السطر في اول السطر بمنزلقة




 

ثم نشتغل عواميد في اتجاه السهم



السطر التالي : نشتغل عواميد فوق العواميد

ونكرر السطر السابق لحد مانوصل للطول المطلوب

 
آخر حاجة نقفل الكعب من ورا ونعمل الفردة التانية بنفس الطريقة

منقول