طقم بيبى خطوه خطوه بالصور

بسم الله الرحمن الرحيم

** 200 جرام خيط متوسط السمك ( 100 جرام لكل لون ) ... الكمية دي هاتعمل طقم من 0 الى 3 شهور واللي عايزة اكبر من كده تزود
** ابرة الومنيوم رقم 3
** ابرة كنفاه للتفنيش

وهاتحتاجي تتعرفي على الغرز الاتية :

المنزلقة
السلسلة
الحشو
العمود بلفة
العمود بلفتين

ده شكل السلوبت

** 200 جرام خيط متوسط السمك ( 100 جرام لكل لون ) ... الكمية دي هاتعمل طقم من 0 الى 3 شهور واللي عايزة اكبر من كده تزود
** ابرة الومنيوم رقم 3
** ابرة كنفاه للتفنيش

وهاتحتاجي تتعرفي على الغرز الاتية :

المنزلقة
السلسلة
الحشو
العمود بلفة
العمود بلفتين

ده شكل السلوبت

البداية هاتبقى عبارة عن 68 سلسلة 

 

تقسم كالاتي :

16 للامام
16 للخلف ( مقسمة على جزئين ) عشان السلوبت مفتوح من ورا
16 للكتف اليمين
16 للكتف الشمال
4 غرز ثابتين ( غرزة لكل ركن )

  دي تنفع لحد 3 شهور .. اللي عايزة المقاس اكبر تزود في عدد السلاسل بس التقسيمة لازم تكون زي مانا مقسمة
يعني عدد غرز الامام = عدد غرز الخلف = عدد غرز الكتف اليمين = عدد غرز الكتف الشمال وال4 غرز بتوع الاركان ثابتين

◘◘ السطر الاول ◘◘

نعمل سلسلتين وندخل في رابع سلسلة من الابرة ونعمل عمود  

 

كده احنا عندنا غرزتين ( اول 3 سلاسل بديل عن اول عمود والعمود اللي عملناه يبقى كده غرزتين )

ثم نعمل 6 عواميد في ال6 سلاسل الجايين ( يبقى المجموع 8 عواميد باعتبار اننا حسبنا اول 3 سلاسل عمود )

 

نيجي في السلسلة التالية ونعمل مروحة مكونة من ( 2 عمود _ 2 سلسلة _ 2 عمود )
وبكده نبقى قسمنا اول جزء من الضهر 

 

ثم نشتغل 16 عمود في ال16 سلسلة الجايين 

 

ثم في السلسلة التالية نعمل مروحة
وبكده نبقى قسمنا اول كتف
 

 

ثم 16 عمود ثم مروحة في السلسلة التالية
كده نبقى قسمنا الصدر

 

 

 

ثم 16 عمود ثم مروحة
كده نبقى قسمنا الكتف التاني

 

 

ثم 8 عواميد تكملة الضهر

 

◘◘ السطر الثاني ◘◘

نطلع ب3 سلاسل بديل عن اول عمود ثم نشتغل عامود فوق كل عامود من السطر السابق لحد مانوصل للركن

نعمل فيه مروحة

 

ونكمل عواميد فوق العواميد لحد مانوصل للركن اللي بعده نعمل فيه مروحة

  

وهكذا لأخر السطر .. عواميد فوق العواميد ومروحة في الركن

بعد كده نكرر السطر السابق لحد مانبقى بمحاذاة الباط ( انا اشتغلت 3 سطور ) 

 

تقفيل الصدر
 
  ده شكل الصدر بعد ماوصلنا للباط فيه 4 اركان زي مانتوا شايفين

 

نركز بقى في الخطوة دي
هانطلع ب3 سلاسل بديل عن اول عمود ونشتغل عواميد فوق العواميد لحد مانوصل للركن رقم 1
هانعمل عمود في اول سلسلة تقابلنا وعمود في تاني سلسلة
 

 

ونروح للركن رقم 2 ونعمل عمود في اول سلسلة وعمود في تاني سلسلة

 ونكمل عواميد فوق العواميد لحد مانوصل للركن رقم 3 نعمل عمود في اول سلسلة وعمود في تاني سلسلة 

 

 

ونروح للركن الرابع ونعمل عمود في اول سلسلة وعمود في تاني سلسلة

 

  

ثم نكمل عواميد فوق العواميد لحد اخر السطر
وده شكل الصدر بعد ماقفلنا الباط

من الامام 

 

من الخلف

 

السطر الاخير

هانشتغله كله عواميد فوق العواميد
بس ناخد بالنا ان مجموع العواميد في السطر ده لازم تقبل القسمة على 4+1
يعني لو عدد العواميد 80 مثلا

ال80 تقبل القسمة على 4 ؟ اه ... يبقى تزودي عمود عشان يبقى المجموع 81

والعمود اللي هاتزوديه اعمليه في الجزء الامامي .. يعني بدل ماتعملي عمود في الغرزة الوسطانية اعملي عامودين

اتمنى تكون النقطة دي واضحة

وده الشكل النهائي للصدر   

 دي مقاسات الاطفال من 3 شهور لسنتين

              شرح جسم السلوبت

◘◘ السطر الاول ◘◘

نطلع ب3 سلاسل بديل عن اول عمود ونعمل عمود في العمود التالي

 

نسيب غرزتين ونعمل في الثالثة مروحة

 

* نسيب 3 غرز ونعمل في الرابعة مروحة *

 

نكرر اللي بين العلامتين لآخر السطر ونعمل عمودين في اخر عمودين

 

◘◘ السطر الثاني ◘◘

نطلع ب3 سلاسل بديل عن اول عمود ونعمل عمود في العمود التالي

 

ثم مروحة في اول مروحة تقابلنا

(( ثم عمود بين المروحتين 

 

ثم مروحة في المروحة التالية ))

 

نكرر اللي بين الاقواس لآخر السطر ثم نعمل عمودين في اخر عمودين   

 ◘◘ السطر الثالث ◘◘
هانغير اللون ابتداء من السطر ده وكل سطرين

نطلع ب3 سلاسل بديل عن اول عمود ونعمل عمود فوق العمود التالي.

 

ثم مروحة في المروحة التالية

  وعمود فوق العمود

 ثم مروحة في المروحة وعمود في العمود .. وهكذا لآخر السطر نعمل عمودين في اخر عمودين

 

نكرر السطر السابق لحد مانوصل للحجر ونزود الطول شوية عشان نعمل حساب الحفاضة

* ملحوظة : كل 4 او 6 سطور هانبدأ السطر ب4 سلاسل ونعمل عمود بلفتين في العمود التالي وننهي السطر بعمودين بلفتين ( الكلام ده في اول السطر واخره بس ) عشان نضبط المرد اللي في الضهر

وده شكل السلوبت وهو مفرود

 من الامام 

 

 

من الخلف

التكمله ان شاء الله فى الموضوع التالى