السلام عليكم ورحمة الله وبركاته
الجاكيت ينفع ولادى وبناتى حسب الزينه اللى هتحطيه عليه
المطلوب منك يا عسولة
الخيط
الابره
ابره خياطة
زراير
وبلوزة او جاكيت مظبوط علشان تقيسى عليه المقاس علشان متغلبيش فى الشغل واخدان المقاس
الغرز المستخدمه
العمود
نصف العمود
العمود الامامى والخلفى
ده النموذج اللى عملته نموذج مصغر لبيبى
اشتغلته بخيط صوف تركى تخين اللى الصورة اللى فى الرد الجاى
اول حاجة ديه الخيوط اللى اشتغلت بيها
النماذج المختلفة
الخطوات
يعنى ايه نقط تقسيم على فرض انك عملتى الخلف 30 س
والامام 30 برده بس 15 و15
والكتف كل واحد منهم 12 او 13 غرزة
لما تيجى تشتغلى
هتعملى 14 عمود وبعدين س وصدفة فى السلسلة رقم 15
يبقى السلسلة رقم 15 نقطة تقسيم
س يعني سلسلة
والصدفة عبارة عن 2 عمود 2 سلسلة 2 عمود
الصورة اللى فاتت ديه الخطوة الاولى تحت والتانيه فوق
السطر التانى
الدرس التانى
ملاحظة ديه اصعب حته فى الجاكيت لو فهمتوها صح
يبقى الباقى هيبقى سهل وجميل وحلوويخلص بسرعة
بس ملاحظة ازاى تحددى العمودين الوساطى بتوع الامام
هتعدى الاعمده بتاع الامام الجهة اليمين والشمال
على فرض انهم طلعوا 30 عمود
يبقى هتشتغلى 14 عمود وال15 وال16 هم الوساطى وبعدين ال14 عمود التانيين
تانى ملاحظة خدى بالك منها
التنقيص والتزويد هيبقى فى الجهة الاماميه من الشغل بس
ثالث ملاحظة وديه مهمة اوى علشان مش تتلخبط
الجهة الاماميه لما تعملى فيها عمود امامى وديه صورته وطريقته فى صفحة واحد
هيبقى على ضهر الشغل عمود خلفى
يعنى لما تيجى تقلبى الشغل وتشتغلى هتشتغليه عمود خلفى مش امامى
السطر الاول من جسم الجاكيت
خدى بالك من ملاحظات الرد اللى فات علشان الشغل يكون سهل عليكى
عاوزاكى تلاحظى فى السطر اللى فات انى اشتغلت فى السلسة بتاع السطر اللع فات عمود وعلى ال2س
اللى بين الجهة الماميه والضهر 2 عمود
زى ما اتفقنا الاعمده الاماميه فى الشغل على وش الشغل لما تقلبى الشغل بتبقى خلفية
بس علشان تاخدى بالك ومتهويش فى الشرح المكتوب فى الصورة
احنا قلنا مش هنزود الا على الوجه الامامى للشغل ماشى
التكرار يعلم الشطار
احنا هنسمى الصف اللى بالطول من الاعمده الاماميه
صف
ماشى يعنى انتى لما بتيجى تزودى بتزودى صفين على كل جنب يعنى فى بدايه الشغل بتيجى قبل العمودين الامامين باربعة اعمده وتقفى
وتعملى عمودين امامين وبعدين عمودين بلفة عاديين
وبعدين عمودين بلفة على العمودين بلفة المعمولين قبل كده اصلا
وبعدين لما تعملى اخر صف معمول هتعملى عمودين عاديين وبعدين عمودين امامين
ده القصد من الكلام ده كله
انا زودت مرتين
يعنى عملت خمس صفوف
بعد ما تعمليهم امشى سطرين بدون زياده يعنى اعمده عاديه فوق الاعمده العاديه
واعمده اماميه فوق الاعمده الاماميه
وبرده زى ما احنا زودنا ابلفين هنقص بالصفين
الدرس الثالث
عمل الكم
ان شاء الله هنخلص الجاكيت وهاشرح طريقة التفنيشات
الصور شارحة نفسها
ملاحظة علشان الازرار والعراوى علشان بتعمل مشكله عند الناس
بصى يا قمر منك ليها
علشان العروة تبقى مظبوطة وتبقى مناسبه للزرار
تعملى 2س ونص العمود وتحاولى تدخلى الزرار من العروة وتشوفى اذاكانت واسعة عليها
قللى وان كانت ضيقة اعمل زياده عن 2س كله ده تبع حجم الزرار ان الزرار بتاعى صغير فعملت 2س
الجهة المقابلة هتعملى 3 سطور من النصف عمود وديه الجهة اللى هيتركب فيها الازرار
البناتى سهل تزيينه وان هنزل شرح لورود اما الولادى ممكن تسيبيه ساده او تعملى شكل مش بناتى او تشترى باد وتركبيه او تلزقيه
ده شرح الورده اللى انا استخدمتها
الوردة التالتة
ابتدى ب4س
اقفلى بمنزلقة
تطلعى ب3 س ثم 2 عمود بلفة ثم 3س وتقفلى بحشو فى الدايرة
تكررى البتلة اربع مرات كمان
وده الشكل النهائى
منقول لعيونكم
